ସମ୍ବଲପୁର : ସମ୍ବଲପୁରର ଭତରା ସ୍ଥିତ ଶଙ୍କରମଠ ଠାରେ ଶ୍ରୀ ଆଞ୍ଚଳିକ ଗୋପାଲଜୀ ପଣ୍ଡିତ ମହାସଭା ତଥା ବ୍ରହ୍ମ ପଣ୍ଡିତ ମହାସଭାର ପଣ୍ଡିତ ମାନଙ୍କ ମିଳିତ ପ୍ରୟାସରେ ବିଶ୍ୱ ଶାନ୍ତି ଯଜ୍ଞ ଆୟୋଜିତ ହୋଇଯାଇଛି। ବୁଧବାର ଯଜ୍ଞରେ ୨୧ ଯୋଡା ଯଜମାନ ଯଜ୍ଞ କୁଣ୍ଡରେ ବିଶ୍ୱ ଶାନ୍ତି ପାଇଁ ଆହୁତି ପ୍ରଦାନ କରିଥିଲେ। ସକାଳ ୮ଟାରୁ ଅପରାହ୍ଣ ପର୍ଯ୍ୟନ୍ତ ମନ୍ତ୍ରୋଚାରଣ ଓ ଆହୂତି ସହିତ ଆୟୋଜିତ ଏହି ବିଶ୍ୱ ଶାନ୍ତି ମହାଯଜ୍ଞ କାର୍ଯ୍ୟ ପୂର୍ଣ୍ଣାହୁତି ସହିତ ସମ୍ପନ୍ନ ହୋଇଥିଲା। ଆଗାମୀ ଦିନରେ ଆଞ୍ଚଳିକ ଗୋପାଳଜୀ ପଣ୍ଡିତ ମହାସଭା ଓ ବ୍ରହ୍ମପଣ୍ଡିତ ମହାସଭା ଆଗାମୀ ଦିନରେ ଚଣ୍ଡିପାଠ, ଭାଗବତ ପରାୟଣ, ପୁରଣା ପାଠ, ଯଜ୍ଞ କାର୍ଯ୍ୟ ସହ ସମାଜକୁ ନୂତନ ଦିଗଦର୍ଶନ ଦେବା ପାଇଁ ବିଭିନ୍ନ ସ୍ଥାନରେ କାର୍ଯ୍ୟକ୍ରମ ଗୁଡିକ ଆୟୋଜନ କରି ଆଧ୍ୟାତ୍ମିକ ପରିବେଶ ସୃଷ୍ଟି କରିବା ଦିଗରେ ଅଗ୍ରସର ହେବ ବୋଲି ସୂଚନା ପ୍ରଦାନ କରାଯାଇଛି। ଏହି ଧାର୍ମିକ ମହାଯଜ୍ଞ କାର୍ଯ୍ୟକୁ ପଣ୍ଡିତ ରବି ନାରାୟଣ ପଣ୍ଡା, ବଂଶୀଧର ମିଶ୍ର, କୃଷ୍ଣଚନ୍ଦ୍ର ପାଣିଗ୍ରାହୀ, ରାଜେଶ ମିଶ୍ର, ପଣ୍ଡିତ ଅମରନାଥ ମିଶ୍ର ପ୍ରମୁଖ ଆୟୋଜନ ଓ ପରିଚାଳନାରେ ସକ୍ରିୟ ଭୂମିକା ନିର୍ବାହ କରିଥିଲେ।
Popular Categories
Previous article
Next article