ସମ୍ବଲପୁର: ସମ୍ବଲପୁର ଜିଲା ଅନୁସୂଚିତ ଜାତି ଜନଜାତି କ୍ରିୟାନୁଷ୍ଠାନ କମିଟି ତରଫରୁ ସ୍ଥାନୀୟ ଓଡିଶା ସାଂସ୍କୃତିକ ସମାଜ ଠାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଅନୁଷ୍ଠାନର ସଭାପତି ସନ୍ଦେଶ ବାଗଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ସମ୍ବଲପୁର ଜିଲା ଆଦିବାସୀ ଦଳିତ ସେନାର ସଭାପତି ସୁବେଶ ମୁଣ୍ଡା, ସମ୍ମାନତି ଅତିଥି ରୂପେ ଏସଟିଏସସି ଅନୁସୂଚିତ କମିଟିର ସଭାପତି ପରିଚ୍ଛନ କଲେତ ଏବଂ ମୁଖ୍ୟ ବକ୍ତା ରୂପେ ସମାଜସେବୀ ରଞ୍ଜନ ଛତ୍ରିଆ ଯୋଗ ଦେଇ ନୂଆଁଖାଇ ପାଳନର ମହତ୍ୱ ଓ ଗୁରୁତ୍ୱ ଉପରେ ଆଲୋକପାତ କରିଥିଲେ । ନୂଆଁଖାଇ ଭେଟଘାଟ ଅବସରରେ ଅନୁଷ୍ଠାନ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ମାନ ପରିବେଷଣ କରାଯାଇଥିଲା । ଶେଷରେ ସମାଜସେବୀ ଫଗୁନ ସୁନା ଧନ୍ୟବାଦ ଅର୍ପଣ କରିଥିଲେ ।
Comments are closed.