୮୪ଶିଖ୍‍ ହିଂସାକାଣ୍ଡ ମାମଲା: ମଣ୍ଡୋଲି ଜେଲର ୧୪ନମ୍ବର କଠୋରୀ ସଜ୍ଜନ କୁମାରଙ୍କ ସ୍ଥାୟୀ ଠିକଣା

ନୂଆଦିଲ୍ଲୀ: ୧୯୮୪ରେ ଶିଖ ହିଂସାକାଣ୍ଡରେ ଦୋଷୀ ସାବ୍ୟସ୍ତ କଂଗ୍ରେସ ନେତା ସଜ୍ଜନ କୁମାର ସୋମବାର ଦିଲ୍ଲୀର କଡ଼କଡୁଣ୍ଡୁମା କୋର୍ଟରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ ପରେ କୋର୍ଟ ତାଙ୍କୁ ମଣ୍ଡୋଲି ଜେଲ ଜେଲକୁ ପଠାଇ ଦେଇଛନ୍ତି। ସେଠାରେ ବ୍ୟାରାକ୍‍ ନମ୍ବର ୧୪ରେ ସଜ୍ନନ କୁମାର ରହିବେ। ନିକଟରେ ଦିଲ୍ଲୀ ଉଚ୍ଚ ନ୍ୟାୟାଳୟ ସଜ୍ଜନ କୁମାରଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଏହି ରାୟକୁ ଚ୍ୟାଲେଞ୍ଜ କରି ସଜ୍ଜନ କୁମାର ଆତ୍ମସମର୍ପଣ ପାଇଁ ସମୟ ମାଗିଥିଲେ କିନ୍ତୁ କୋର୍ଟ ଏହାକୁ ଖାରଜ କରି ଦେଇଥିଲେ। ସଜ୍ଜନ କୁମାର ତାଙ୍କ ଆତ୍ମସମର୍ପଣ ତାରିଖକୁ ଡିସେମ୍ବର ୩୧ରୁ ବୃଦ୍ଧି କରି ଜାନୁୟାରୀ ୩୦ ପର୍ଯ୍ୟନ୍ତ ସମୟସୀମା ପ୍ରଦାନ କରିବାକୁ ୨୧ଡିସେମ୍ବରରେ କୋର୍ଟରେ ଆବେଦନ କରିଥିଲେ। ସୁପ୍ରିମ କୋର୍ଟ ଜାନୁୟାରୀ ୧ ପର୍ଯ୍ୟନ୍ତ ବନ୍ଦ ଥିବାରୁ ତାଙ୍କୁ ଉଚ୍ଚ ନ୍ୟାୟାଳୟର ରାୟକୁ ଚ୍ୟାଲେଞ୍ଜ କରିବାକୁ ଅଧିକ ସମୟ ପ୍ରଦାନ କରିବାକୁ ସଜ୍ଜନ କୁମାରଙ୍କ ପକ୍ଷରୁ କୋର୍ଟରେ ଗୁହାରି କରାଯାଇ ଥିଲା।