ପାଟଣା.- ବିହାରର ପୂର୍ବତନ ବାହୁବଳୀ ସାଂସଦ ଶାହାବୁଦ୍ଦିନଙ୍କ ଭଣଜାଙ୍କୁ ଦୁର୍ବୃତ୍ତମାନେ ଗୁଳି କରି ହତ୍ୟା କରିଛନ୍ତି । ଏହାପରେ ସେଠାରେ ହିସାଂ ଦେଖାଦେଇଛି । ପ୍ରତାପପୁର ନାମକ ଗାଁ ଶାହାବୁଦ୍ଦିନଙ୍କ ଭଣଜା ମହମ୍ମଦ ୟୁସୁଫକୁ କେହି ଦୁର୍ବୃତ୍ତ ଗୁଳି ମାରି ଦେଇଛି । ୟୁସୁଫଙ୍କ ଛାତିରେ ଗୁଳି ବାଜିଛି । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା ।
ଏହାରକେ ଶାହାବୁଦ୍ଦିନିଙ୍କ ସମର୍ଥକମାନେ ରାସ୍ତା ରୋକ କରିବା ସହ ପୋଡା ଜଳା କରିଥିଲେ । ଅନେକ ହତ୍ୟା ମାମଲାର ଅଭିଯୁକ୍ତ ଶାହାବୁଦ୍ଦିନ ଏବେ ତିହାର ଜେଲର୍ରେ ରହିଛନ୍ତି । ଏହି ଘଟଣାର ଦୁଇ ଦିନ ପୂର୍ବତୁ ସାମ୍ବାଦିକ ରାଜଦେବ ରଞ୍ଜନଙ୍କ ହତ୍ୟା ମାମଲାରେ ସିବିଆର ସ୍ୱତନ୍ତ୍ର ଅଦାଲତ ଶାହାବୁଦ୍ଦିନ ଓ ଅନ୍ୟ ୬ ଜଣଙ୍କ ବିରୋଧର ଶୁଣାଣୀ ପରେ ଅଭିଯୋଗ ପ୍ରସ୍ତୁତ କରିଛନ୍ତି । ଏହାପରେ ଶାହାବୁଦ୍ଦିନଙ୍କ ଭଣଜାକୁ ଗୁଳିମାରି ହତ୍ୟା କରାଯାଇଛି ।
