ଘଣ୍ଟାପଡା : କଣ୍ଟାମାଳ ବ୍ଲକ ବରଗାଁ ପଞ୍ଚାୟତ ଅନ୍ତର୍ଗତ ସୌରୀବେଙ୍ଗେସ ଗ୍ରାମରେ ନୀଳମାଧବ ଆଞ୍ଚଳିକ ପୂଜା କମିଟି ପକ୍ଷରୁ ପ୍ରଭୁ ନୀଳମାଧବଙ୍କ ପୂଜନୋତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ସବର(ସଉରା) ସମାଜର ପୂଜକ କୃଷ୍ଣଚନ୍ଦ୍ର ଭୋଇଙ୍କ ଦ୍ୱାରା ରୀତିନୀତି ଅନୁସାରେ ପୂଜାକାର୍ଯ୍ୟ ସମାପନ କରାଯାଇଥିଲା । ଉକ୍ତ ପୂଜାରେ ଲଳିତ ଭୋଇ କର୍ତ୍ତା ଦାୟିତ୍ୱ ତୁଲାଇ ଥିଲେ । ପୂଜା କମିଟି ସଭାପତି ନବଘନ ଭୋଇ, ସମ୍ପାଦକ ବିସିକେଶନ ନାଏକ, ପୁରୁଷୋତ୍ତମ ବିଶ୍ୱାଳ, ସତ୍ୟବନ୍ତ ଭୋଇ, କବିବନ୍ତ ଭୋଇ, ହେମନ୍ତ ଭୋଇ, ଶ୍ରୀବତ୍ସ କତୁଆ, ଜୟଲାଲ ଭୋଇ, ଗୋକୁଳ ଭୋଇ, ଗରୁଡଧ୍ଵଜ ଭୋଇ, ଶ୍ୟାମଲାଲ ଭୋଇ, ଶ୍ରୀବତ୍ସ ଭୋଇ, ଚିନ୍ତାମଣି ନାଏକ, କ୍ଷେତି ବୁଡ଼ାଏକ ପ୍ରମୁଖ ସଦସ୍ୟ ସହଯୋଗ କରିଥିଲେ। ସବର ସମାଜର ଅଠର ଖଣ୍ଡ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ । ଏହି ଅବସରରେ ପଣ୍ଡରାପିଟା ଏବଂ ମରାଡୁଗୁଚ୍ଛା ସଂକୀର୍ତ୍ତନ ମଣ୍ଡଳୀକୁ ନେଇ ପ୍ରଭୁ ନୀଳମାଧବଙ୍କ ଜନ୍ମ ଠାରୁ ଜଗନ୍ନାଥ ଧାମ ବୃତ୍ତାନ୍ତ ବିଷୟବସ୍ତୁ ଆଧାରିତ ବୈଠକ ସଂକୀର୍ତ୍ତନ ଆୟୋଜନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ନାରାୟଣପ୍ରସାଦ ପଞ୍ଚାୟତ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ ଏବଂ ବରଗାଁ ପଞ୍ଚାୟତ ସରପଞ୍ଚ ପ୍ରତିନିଧି ପିନାକ ରଣା ଅତିଥି ଭାବେ ଯୋଗ ଦେଇଥିଲେ ।
Comments are closed.