ନୂଆଦିଲ୍ଲୀ : ନାଗାଲାଣ୍ଡର ନୂତନ ମୁଖ୍ୟମନ୍ତ୍ରୀ ଭାବେ ନ୍ୟାସନାଲିଷ୍ଟ ଡେମୋକ୍ରାଟିକ୍ ପ୍ରୋଗ୍ରେସିଭ୍ ପାର୍ଟି (ଏନ୍ଡିପିପି)ର ନେତା ନେଇଫିଉ ରିଓ ଗୁରୁବାର ଶପଥ ଗ୍ରହଣ କରଛନ୍ତି। ରାଜ୍ୟପାଳ ବି.ପି ଆଚାର୍ଯ୍ୟ ତାଙ୍କୁ ପଦ ଓ ଗୋପନୀୟତର ଶପଥ ପାଠ କରାଇଛନ୍ତି। ନାଗାଲାଣ୍ଡର ୨୦ ତମ ଏବଂ ୪ର୍ଥ ଥର ପାଇଁ ମୁଖ୍ୟମନ୍ତ୍ରୀ ଭାବେ ନେଇଫିଉ ରିଓ କାର୍ଯ୍ୟଭାର ଗ୍ରହଣ କରିଛନ୍ତି। ନବ ଗଠିତ ପିପୁଲ୍ସ ଡେମୋକ୍ରେଟିକ ଆଲିଆନ୍ସ (ପିଡିଏ)ର ନେତା ଭାବେ ରିଓ ନିର୍ବାଚିତ ହୋଇଥିଲେ। ତାଙ୍କୁ ଏନ୍ଡିପିପିର ୧୮ ଜଣ ବିଧାୟକଙ୍କ ସମେତ ବିଜେପିର ୧୨ ଜଣ, ଜେଡିୟୁର ଜଣେ ଏବଂ ଜଣେ ସ୍ୱାଧୀନ ବିଧାୟକଙ୍କ ସମର୍ଥନ ରହିଛି।
ଆୟୋଜିତ ଶପଥ ଗ୍ରହଣ ସମାରୋହରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ, ଗୃହ ରାଷ୍ଟ୍ର ମନ୍ତ୍ରୀ କିରଣ ରିଜ୍ଜୁ, ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନାୱଲ, ମଣିପୁର ମୁଖ୍ୟମନ୍ତ୍ରୀ ଏନ. ବୀରେନ ସିଂହ ଏବଂ ଦଳର ବରିଷ୍ଠ ନେତା ପ୍ରମୁଖ ଉପସ୍ଥିତ ଥିଲେ।
୬୦ ଆସନ ବିଶିଷ୍ଟ ବିଧାନସଭାରେ ମାର୍ଚ୍ଚ ୧୬ ପୂର୍ବରୁ ସଂଖ୍ୟା ଗରିଷ୍ଠତା ପ୍ରମାଣ ଦେବାକୁ ରାଜ୍ୟପାଳ ରିଓଙ୍କୁ କହିଛନ୍ତି।
