ଭୁବନେଶ୍ୱର : ମାର୍ଚ୍ଚ ଶେଷ ସପ୍ତାରୁ ଅସମ୍ଭାଳ ହେଲାଣି ତାତି। ଟିଟିଲାଗଡ଼ର ତାତି ବୁଧବାର ୪୨ଡ଼ିଗ୍ରୀ ଛୁଇଁଛି। ବଲାଙ୍ଗିର ତାତି ୪୧ଡ଼ିଗ୍ରୀରେ ପହଞ୍ଚିଥିବାବେଳେ ୭ସହରର ତାପମାତ୍ରା ୪୦ଡ଼ିଗ୍ରୀ ଉପରେ ରହିଛି। ସମ୍ବଲପୁର, ହୀରାକୁଦ, ଭବାନିପାଟଣା ଓ ଢ଼େଙ୍କାନାଳରେ ତାପମାତ୍ରା ୩୯ରୁ ୪୦ଡ଼ିଗ୍ରୀ ମଧ୍ୟରେ ରହିଛି। ୩୧ତାରିଖ ପର୍ଯ୍ୟନ୍ତ ତାପମାତ୍ରା ଅପରିବର୍ତ୍ତିତ ରହିବା ସହ କିଛି ସ୍ଥାନରେ ୪୨ ଡ଼ିଗ୍ରୀ ଟପିଯିବାର ସମ୍ଭାବନା ଅଛି ବୋଲି ପାଣିପାଗ ବିଭାଗ ସୂଚନା ଦେଇଛି। ଘୂର୍ଣ୍ଣିବଳୟ ପ୍ରଭାବରେ ୩୧ରେ ଉତ୍ତର ଓଡ଼ିଶାର ଅଧିକାଂଶ ସ୍ଥାନରେ କାଳବୈଶାଖୀ ଅନୁଭୂତ ହୋଇପାରେ। ଏହି ସମୟରେ ଘଡ଼ଘଡ଼ି ସହ ବର୍ଷା, କୁଆପଥର ବୃଷ୍ଟି ସହ ୫୦ରୁ୬୦କିମି ବେଗରେ ପବନ ବହିପାରେ। ପହିଲାରେ ଉତ୍ତର ଓ ଉପକୂଳରେ ଅଦିନିଆ ବର୍ଷା, କାଳବୈଶାଖୀ,କୁଆପଥର ବର୍ଷା ହୋଇପାରେ। ମୟୂରଭଞ୍ଜ ଓ କେନ୍ଦୁଝରରେ ଏହାର ପ୍ରଭାବ ଅଧିକ ରହିବ। ଏପ୍ରିଲ ୨ରୁ ୪ ମଧ୍ୟରେ ବର୍ଷା ସମ୍ଭାବନା ଥିବାରୁ ତାପମାତ୍ରା ହ୍ରାସ ପାଇବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଆକଳନ କରାଯାଇଛି।
Popular Categories
Previous article
Next article