ଲଣ୍ଡନ : ପୃଥିବୀଠାରୁ ୨୬ ଲକ୍ଷ ଆଲୋକ ବର୍ଷ ଦୂରରେ ଏକ ଧାତବ ଗ୍ରହର ଠାବ୍ କରାଯାଇଛି । ଏହି ଧାତବ ଗ୍ରହ ଏକ ଛୋଟ ତାରାକୁ ପ୍ରଦକ୍ଷଣ କରୁଛି । ଏହି ଧାତବ ଗ୍ରହ ପୃଥିବୀଠୁ ପ୍ରାୟ ୨୦% ଅଧିକ ବଡ଼ ଓ ଉତପ୍ତ ବୋଲି ବୈଜ୍ଞାନିକମାନେ କହିଛନ୍ତି । ପୃଥିବୀଠରୁ ଅଢେଇ ଗୁଣା ଅଧିକ ଓଜନ ବିଶିଷ୍ଟ ଏହି ଗ୍ରହଟି ସମ୍ପୂର୍ଣ୍ଣ ଧାତୁମୟ । ଦିନରେ ଏହି ଧାତବ ଗ୍ରହର ତାପମାତ୍ରା ୧୦୦୦ ଡିଗ୍ରୀ ସେଲସିୟସ ପାର କରିଯାଉଛି । ଛୋଟ ତାରାକୁ ଅତି ନିକଟରେ ଏହା ପ୍ରଦକ୍ଷଣ କରୁଛି । ଏହି ଧାତବ ଗ୍ରହର ନାମ ‘କେ୨-୨୨୯ବି’ ରଖାଯାଇଛି । ଫ୍ରାନ୍ସର ଏକ୍ସ ମାର୍ସେଇଲ୍ ବିଶ୍ୱିବଦ୍ୟାଳୟ ଏବଂ ବ୍ରିଟେନ୍ର ୱାୱାରିଂକା ବିଶ୍ୱବିଦ୍ୟାଳୟର ଗବେଷକମାନେ ଏହି ଧାତବ ଗ୍ରହର ଅନୁସନ୍ଧାନ କରିଛନ୍ତି । କେ-୨ ଦୂରବିକ୍ଷଣ ଯନ୍ତ୍ର ଦ୍ୱାରା ଏହି ଧାତବ ଗ୍ରହକୁ ଠାବ୍ କରାଯାଇଛି । ଏହି ଧାତବ ଗ୍ରହର ବିଶେଷତ୍ୱ ଜାଣିବାକୁ ଡୋପଲର ସ୍ପେକ୍ଟ୍ରୋସ୍କୋପି ଜ୍ଞାନକୌଶଳ ବା ୱେବଲ ପକ୍ରିୟାର ବ୍ୟବହାର କରାଯାଉଛି ।
