ନୂଆଦିଲ୍ଲୀ : ବର୍ତ୍ତମାନ ପରିସ୍ଥିତିରେ କୌଣସି ରାଜ୍ୟକୁ ସ୍ୱତନ୍ତ୍ର ରାଜ୍ୟପାହ୍ୟା ଶ୍ରେଣୀରେ ସାମିଲ କରାଯିବ ନାହିଁ ବୋଲି କେନ୍ଦ୍ର ସରକାର ଲୋକସଭାରେ ଜଣାଇଛନ୍ତି। ସାଂସଦ ନଗେନ୍ଦ୍ର ପ୍ରଧାନଙ୍କ ଏକ ଲିଖିତ ପ୍ରଶ୍ନର ଉତ୍ତରରେ କେନ୍ଦ୍ର ଅର୍ଥରାଷ୍ଟ୍ରମନ୍ତ୍ରୀ ଶିବ ପ୍ରତାପ ଶୁକ୍ଳା ଜଣାଇଛନ୍ତି ଯେ ସ୍ୱତନ୍ତ୍ର ରାଜ୍ୟପାହ୍ୟା ତାଲିକାରେ ସାମିଲ ହେବାକୁ ଓଡ଼ିଶା, ଆନ୍ଧ୍ର ପ୍ରଦେଶ, ରାଜସ୍ଥାନ, ବିହାର ଏବଂ ଝାଡ଼ଖଣ୍ଡ ଆଦି ପାଞ୍ଚଟି ରାଜ୍ୟର ପ୍ରସ୍ତାବ କେନ୍ଦ୍ର ସରକାରଙ୍କୁ ମିଳିଛି। ଚତୁର୍ଦଶ ଅର୍ଥ କମିଶନ ନିଜ ସୁପାରିସରେ ସ୍ୱତନ୍ତ୍ର ପାହ୍ୟାରାଜ୍ୟ ଏବଂ ଅଣସ୍ୱତନ୍ତ୍ର ପାହ୍ୟାରାଜ୍ୟଗୁଡ଼ିକ ମଧ୍ୟରେ ରହିଥିବା ପ୍ରଭେଦ ସଂପର୍କରେ ଦର୍ଶାଇନଥିଲେ ବୋଲି କେନ୍ଦ୍ର ସରକାର କହିଛନ୍ତି।
