ଲାହୋର : ପାକିସ୍ତାନର ପଞ୍ଜାବ ପ୍ରଦେଶରେ ଆପୋଷ ବୁଝାମଣା ନାମରେ ଏକ ବିବାଦର ସମାଧାନ ପାଇଁ ବଳାତ୍କାରକୁ ସ୍ୱୀକୃତି ଦେବା ଭଳି ଏକ ଘୃଣ୍ୟ ଘଟଣା ପଦାକୁ ଆସିଛି। ଏହି ଘଟଣାରେ ପୁଲିସ୍ ୧୨ ଜଣଙ୍କୁ ଗିରଫ କରିଛି । ଏହି ଘଟଣା ଲାହୋରଠାରୁ ୨୦୦ କିଲୋମିଟର ଦୂର ପିରମହଲରେ ଗତ ସପ୍ତାହରେ ଘଟିଛି । ପିରମହଲ ଥାନାରେ ରୁଜୁ ଏତଲା ଅନୁସାରେ ମାର୍ଚ୍ଚ ୨୦ରେ ପିରମହଲର ଗରିବାବାଦ ଅଞ୍ଚଳର ଜଣେ ବ୍ୟକ୍ତି ସେହି ଅଞ୍ଚଳର ଜଣେ ଯୁବତୀଙ୍କୁ ବଳାତ୍କାର କରିଥିଲେ । ପୀଡ଼ିତାର ଘର ଲୋକେ ଏନେଇ ଥାନାରେ ମାମଲା ରୁଜୁ କରିବାକୁ ଧମକ ଦେବା ପରେ ଅଭିଯୁକ୍ତର ପରିବାର ଲୋକେ ଅଦାଲତ ବାହାରେ ମାମଲାର ଆପୋଷ ସମାଧାନ କରିବାକୁ ଅନୁରୋଧ କରିଥିଲେ । ଆପୋଷ ସମାଧାନ ଅନୁସାରେ ପ୍ରତିବଦଳରେ ଅଭିଯୁକ୍ତର ଭଉଣୀ ସହ ଗଣବଳାତ୍କାର କରାଯାଇଥିଲା । ଏନେଇ ଉଭୟ ପରିବାର ଲୋକେ ଆପୋଷ ବୁଝାମଣାର ଷ୍ଟାମ୍ପ ପେପର ପ୍ରସ୍ତୁତ କରୁଥିବାବେଳେ ଘଟଣା ପଦାକୁ ଆସିଥିଲା । ଏହି ଘଟଣାରେ ୪ ମହିଳାଙ୍କ ସମେତ ୧୨ ଜଣଙ୍କୁ ଗିରଫ କରାଯାଇଥିବା ପୁଲିସ୍ ସୂଚନା ଦେଇଛି। ଏହି ଘଟଣା କେବଳ ପାକିସ୍ତାନ ନୁହେଁ, ବିଶ୍ୱରେ ଚର୍ଚ୍ଚାର ବିଷୟ ହୋଇଛି ।
