ରୋଜାଲିନ ବାଳି କଲେଜ ଓ ଶୁଭଶ୍ରୀ ରାଧାନାଥ ରଥ ଡିଗ୍ରୀ ମହାବିଦ୍ୟାଳୟ ଟପ୍ପର

ଗୁରୁଡିଝାଟିଆ : ବାଳିସ୍ଥିତ ଶ୍ରୀ ଶ୍ରୀ ଧବଳେଶ୍ୱର ବିଜ୍ଞାନ ଓ ବୈଷୟିକ ମହାବିଦ୍ୟାଳୟର ଛାତ୍ରୀ ରୋଜାଲିନ ରାଉତ ପଦାର୍ଥ ବିଜ୍ଞାନ ସମ୍ମାନରେ ୮୫% ନମ୍ବର ରଖି ମହାବିଦ୍ୟାଳୟ ଟପ୍ପର ଆଖ୍ୟା ଅର୍ଜନ କରିଛନ୍ତି । ଭବିଷ୍ୟତରେ ଜଣେ କମ୍ପୁଟର ସାଇନ୍ସ ଇଂଜିନିୟର ଭାବରେ ନିଜର ଲକ୍ଷ୍ୟ ରଖିଥିବା ସୁଶ୍ରୀ ରାଉତ କହିବା ସହ ବିଭାଗୀୟ ମୁଖ୍ୟ ପ୍ରାଧ୍ୟାପକ ରଶ୍ମୀରଞ୍ଜନ ମହାପାତ୍ର ଓ ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର ସୁରେଶ ଚନ୍ଦ୍ର ରାଉତରାୟ ଓ ପ୍ରାଧ୍ୟାପକ ପ୍ରଦୀପ୍ତ କୁମାର ସାହୁ ଏବଂ ପିତାମାତାଙ୍କୁ ସଫଳତାର ଶ୍ରେୟ ଦେଇଥିଲେ।
ସେହିପରି ଖୁଣ୍ଟୁଣୀସ୍ଥିତ ରାଧାନାଥ ରଥ ବିଜ୍ଞାନ ଡିଗ୍ରୀ ମହାବିଦ୍ୟାଳୟ ପ୍ରାଣି ବିଜ୍ଞାନ ବିଭାଗର ଛାତ୍ରୀ ଶୁଭଶ୍ରୀ କର ମହାବିଦ୍ୟାଳୟ ଟପ୍ପର ଆଖ୍ୟା ଅର୍ଜନ କରିଛନ୍ତି। ପ୍ରାଣୀ ବିଜ୍ଞାନ ସମ୍ମାନରେ ୮୮% ନମ୍ବର ରଖି ସେ ଏହି ସଫଳତା ହାସଲ କରିଛନ୍ତି । ସଫଳତା ପାଇଁ ମହାବିଦ୍ୟାଳୟ ଅଧ୍ୟକ୍ଷ ଡଃ ଶଶିଭୂଷଣ ମିଶ୍ର ଓ ବିଭାଗୀୟ ଅଧ୍ୟାପକଙ୍କ ସହ ପିତାମାତାଙ୍କୁ ଶ୍ରେୟ ଦେଇଛନ୍ତି । ଭବିଷ୍ୟତରେ ଜଣେ ଚିକିତ୍ସକ ହେବାକୁ ଶୁଭଶ୍ରୀ ଲକ୍ଷ୍ୟ ରଖିଥିବାରୁ ଏବେ ଠାରୁ ନିଜକୁ ପ୍ରସ୍ତୁତ କରୁଛନ୍ତି ବୋଲି ଗଣମାଧ୍ୟମକୁ କହିଛନ୍ତି।