କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଥିବା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରର ସଭାଗୃହରେ ରୋଗୀ କଲ୍ୟାଣ ସମିତି ପରିଚାଳନା କମିଟିର ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ରୋଗୀ କଲ୍ୟାଣର ଅଧ୍ୟକ୍ଷ ତଥା ଅନୁସୂଚିତ ଜାତି ଓ ଜନଜାତି ଉନ୍ନୟନ ପଛୁଆ ବର୍ଗ ସଂଖ୍ୟାଲଘୁ କଲ୍ୟାଣ ମନ୍ତ୍ରୀ ଓ ଆଇନ ମନ୍ତ୍ରୀ ଜଗନ୍ନାଥ ସାରକାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବ୍ଲକ ଅଧ୍ୟକ୍ଷା ଅମ୍ବ୍ରିତା କାଡ୍ରାକା, ଉପାଧ୍ୟକ୍ଷ ଡମ୍ବରୁ କଞ୍ଜ।କା, ରୋଗୀ କଲ୍ୟାଣ ସମିତିର ସଂପାଦକ ତଥା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଡାକ୍ତର ସୌମ୍ୟରଞ୍ଜନ ଜେନା, ଡାକ୍ତର ସତ୍ୟଜିତ ଦାସ ମଞ୍ଚ।ସିନ ଥିଲେ। ରୋଗୀ କଲ୍ୟାଣ ସମିତି ପାଣ୍ଠିରୁ ଗତ ବର୍ଷ ଆସିଥିବା ୫ଲକ୍ଷ ଟଙ୍କା ଅର୍ଥରେ କଣ କଣ କାର୍ଯ୍ୟ କରାଯାଉଛି ସେ ବିଷୟରେ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରା ଯାଇଥିଲା। ସ୍ୱାସ୍ଥ୍ୟ କେନ୍ଦ୍ରକୁ ଯିବା ପାଇଁ ସିମେଣ୍ଟ ରାସ୍ତା ମରାମତି, ସ୍ୱାସ୍ଥ୍ୟ କେନ୍ଦ୍ର ଚତୁଃପାର୍ଶ୍ବରେ ଲାଇଟ ବ୍ୟବସ୍ଥା, ରୋଗୀଙ୍କ ନିମନ୍ତେ ଶୌଚାଳୟ, ସ୍ୱାସ୍ଥ୍ୟ କେନ୍ଦ୍ର ପରିସରରେ ଗାଡି ପାର୍କିଂ, ସ୍ୱାସ୍ଥ୍ୟ କେନ୍ଦ୍ରକୁ ରଙ୍ଗ କରିବା ଭଳି ୨୪ଟି କାର୍ଯ୍ୟ କରିବା ପାଇଁ ରୋଗୀ କଲ୍ୟାଣ ସମିତିର ସମସ୍ତ ସଦସ୍ୟଙ୍କ ଉପସ୍ଥିତିରେ ଅନୁମୋଦିତ କରାଯାଇଛି। ରୋଗୀ କଲ୍ୟାଣ ସମିତିର ସଦସ୍ୟ ସିଡିପିଓ, ବ୍ଲକ ସହକାରୀ ଯନ୍ତ୍ରୀ , ବ୍ଲକ ପ୍ରୋଗ୍ରାମ ଅଧିକାରୀ, ଡାକ୍ତର ଅନ୍ନପୂର୍ଣ୍ଣ। ତାଣ୍ଡି , ସମିତି ସଭ୍ୟ ସମେତ ସ୍ୱାସ୍ଥ୍ୟ କେନ୍ଦ୍ରର ସମସ୍ତ କର୍ମଚାରୀ ପ୍ରମୁଖ ଉପସ୍ଥିତ ରହିଥିଲେ। ଶେଷରେ ସ୍ୱାସ୍ଥ୍ୟ କେନ୍ଦ୍ରର ବିପିଏମ କୈଳାସ ନାୟକ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଭାରପ୍ରାପ୍ତ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ରବିନାରାୟଣ ଦାସ ଧନ୍ୟବାଦ ଦେଇ ଥିଲେ।
Popular Categories
Previous article
Next article