ଖଇରା : ଧରା ପଡିଲା ବାଲେଶ୍ବର ଜିଲ୍ଲା ଖଇରା ଅଞ୍ଚଳରେ ଆତଙ୍କ ଖେଳାଇଥିବା କଲରାପତରିଆ ବାଘ। ଦୀର୍ଘ ୮ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ବନବିଭାଗ ବାଘଟିକୁ କାବୁ କରିବାରେ ସଫଳ ହୋଇଛି। ଶନିବାର ବାଘ ଆକ୍ରମଣରେ ୫ ଜଣଙ୍କ ସମେତ ଜଣେ ବନପାଳ ଆହତ ହୋଇଥିଲେ । ସେମାନେ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣାଯାଇଛି। ଶନିବାର ମଧ୍ୟାହ୍ନରେ ଗାଁର ଗଣନାଥ ନାୟକଙ୍କ ପତ୍ନୀ ସତ୍ୟଭାମା ଏବଂ ତାଙ୍କ ପୁଅ ଘର ପାଖ ବାଡିରେ କାମ କରୁଥିଲେ। ହଠାତ୍ ବାଘଟି ସେଠାରେ ସତ୍ୟଭାମାଙ୍କୁ ଆକ୍ରମଣ କରିଥିଲା। ସେ ଚିତ୍କାର କରିବାରୁ ପୁଅ ଓ ସ୍ୱାମୀ ପାଟି କରି ତାଙ୍କ ନିକଟକୁ ଯାଇଥିଲେ। ପରେ ବାଘଟି ଗାଁରେ ପଶିଥିଲା। ଗାଁ ଲୋକ ଏକତ୍ର ହୋଇ ଗୋଡ଼ାଇବାରୁ ବାଘଟି କେଉଁଠାରେ ଲୁଚିଯାଇଥିଲା। ବନ ବିଭାଗର କର୍ମଚାରୀ ଗ୍ରାମବାସୀଙ୍କ ସହ ମିଶି ନିକଟରେ ଥିବା ବଣରେ ଖୋଜିଥିଲେ। ଏହି ସମୟରେ ବାଘଟି ପୁନର୍ବାର ସତ୍ୟଭାମାଙ୍କ ଘର ବାଡ଼ିକୁ ଆସି ତାଙ୍କ ପୁଅ ରାଧାକାନ୍ତ ନାୟକ ଏବଂ ସେଠାରେ ଉପସ୍ଥିତ ଥିବା ଟଙ୍କରଧର କେସି , ଅର୍ଜୁନପୁର ଗାଁର ପ୍ରଫୁଲ୍ଲ ଦାସ, କଡମିଆଁ ଗାଁର ନିରଞ୍ଜନ ମୁଖୀ ଓ ଔପଦା ବନପାଳ କିଶୋର ଭୂୟାଁଙ୍କୁ ଆକ୍ରମଣ କରିଥିଲା। ବାଘ ଆକ୍ରମଣରେ ଏହି ୬ ଜଣ ବ୍ୟକ୍ତି ଗୁରୁତର ଆହତ ହୋଇଥିବାବେଳେ ସମସ୍ତଙ୍କୁ ତୁରନ୍ତ ଖଇରା ଡାକ୍ତରଖାନାକୁ ନିଆଯାଇଥିଲା। ଦୀର୍ଘ ୮ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ବନବିଭାଗ ବାଘଟିକୁ କାବୁ କରିବାରେ ସଫଳ ହୋଇଛି।
Popular Categories
Previous article
Next article