ସୁଆଣ୍ଡୋ: କେନାଲ ବନ୍ଧ ରାସ୍ତା ମରାମତି କରାଯାଉ ନଥିବା ହେତୁ ପୁରୀ ଜିଲା ସତ୍ୟବାଦୀ ବ୍ଲକର ୧୦/ ୧୨ ଖଣ୍ଡ ଗ୍ରାମର ସହସ୍ରାଧିକ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ସାକ୍ଷୀଗୋପାଳ ବ୍ରାଞ୍ଚ କେନାଲ ପଶ୍ଚିମ ତରଫ ସାରଙ୍ଗଯୋଡିଠାରୁ ରଥ ପୁରୁଷୋତ୍ତମପୁର ପର୍ଯ୍ୟନ୍ତ ୧୦ କି.ମି. ରାସ୍ତା ଖାଲଖମା ହୋଇ ମରଣଯନ୍ତାରେ ପରିଣତ ହୋଇଛି । ଉକ୍ତ ରାସ୍ତାଟି ସାକ୍ଷୀଗୋପାଳ ଜଳ ସଂପଦ ବିଭାଗ ଉପଖଣ୍ଡ ଅଧିନରେ ରହିଛି । ଏ ସମ୍ପର୍କରେ ବିଭାଗୀୟ ଅଧିକାରୀଙ୍କୁ ସ୍ଥାନୀୟ ଗ୍ରାମବାସୀ ପୂର୍ଣ୍ଣଚନ୍ଦ୍ର ବେହେରା ଫଗୁ ଚରଣ ସାହୁ ଓ ଗୌରହରି ପରିଡା ପ୍ରମୁଖ ଜଣେଇଲେ ସୁଦ୍ଧା ରାସ୍ତା ମରାମତି କରାଯାଉନାହିଁ ବୋଲି ସେମାନେ ଅଭିଯୋଗ କରିଛନ୍ତି । ଉକ୍ତ ରାସ୍ତାର ଖାଲଖମାରେ ପାଣି ଜମି ରହିବା ହେତୁ ନିତିଦିନ ଦୁର୍ଘଟଣା ଘଟୁଛି। ବଳପୁର ଆନନ୍ଦପୁର କୋଠସାହି ଦକ୍ଷିଣିସାହି ସାରଙ୍ଗଯୋଡି ସରସ୍ୱତୀପୁର ବନମାଳୀପୁର ରଥପୁରୁଷୋତ୍ତମପୁର ଆଦି ଗ୍ରାମବାସୀ ଏହି ରାସ୍ତା ଉପରେ ନିର୍ଭର କରିଥାନ୍ତି । ସେହିପରି ୩୧୬ ନଂ ଜାତୀୟ ରାଜପଥକୁ ଏହି କେନାଲ ବନ୍ଧ ରାସ୍ତାକୁ ତିନିଗୋଟି ପକ୍କା ରାସ୍ତା ସଂଯୋଗ କରୁଥିବାରୁ ପ୍ରତିଦିନ ଶହ ଶହ ବାଇକ, ଟ୍ରାକ୍ଟର, କାର, ଟ୍ରକ ଆଦି ଯାନ ଏହି ବାଟରେ ଯିବାଆସିବା କରିଥାଏ। ସତ୍ୟବାଦୀ ବିଧାୟକ କହନ୍ତି ଖୁବ୍ ଶୀଘ୍ର ଉକ୍ତ ରାସ୍ତାର ମରାମତି କରାଯିବ । ଉକ୍ତ ରାସ୍ତାର ମରାମତି ତୁରନ୍ତ କରିବାକୁ ଜିଲାପାଳଙ୍କୁ ଦାବି କରିଛନ୍ତି ଗ୍ରାମବାସୀ।
Comments are closed.