ଲଣ୍ଡନ .- ସ୍କଟଲାଣ୍ଡରେ ପଢୁଥିବା ଝିଅର ରୋଷୟା, ଡ୍ରାଇଭର ସହ ଆହୁରି ୧୨ ଜଣ କର୍ମଚାରୀଙ୍କ ପାଇଁ ଭାରତର ଜଣେ ବିତ୍ତଶାଳୀ ପିତା ବର୍ଷକୁ ୨୮ ଲକ୍ଷ ଟଙ୍କା ଖର୍ଚ୍ଚ କରିବେ । ସ୍କଟଲ୍ୟାଣ୍ଡର ପୂର୍ବତଟରେ ଥିବା ସେଣ୍ଟ ଆଣ୍ଡ୍ରିଉ ବିଶ୍ୱବିଦ୍ୟାଳୟରେ ତାଙ୍କ ଝିଅ ପ୍ରଥମବର୍ଷ ପାଠ୍ୟକ୍ରମରେ ନାମ ଲେଖାଇଛନ୍ତି । ସ୍କଟଲାଣ୍ଡରେ ଥିବା ତାଙ୍କର ବିଶାଳ ପ୍ରାସାଦରେ ଝିଅ ରହିବା ସମୟରେ ଏହି ୧୨ ଜଣ ସହାୟକମାନେ ରହିବେ । ଏଥିପାଇଁ ସେଠାକାର ଖବର କାଗଜମାନଙ୍କର ବିଜ୍ଞାପନ ଦିଆଯାଇଛି ।
୧୨ ଜଣଙ୍କ ମଧ୍ୟରେ ରୋଷୟା, ଡ୍ରାଇଭରଙ୍କ ସହ ଘରର ପ୍ରବନ୍ଧକ, ୩ ଜଣ ସହାୟକ, ଜଣେ ମାଳୀ, ଜଣେ ମହିଳା ସହାୟକ , ମହିଳା ସହାୟକଙ୍କର ସହାୟକ, ୩ ଜଣ ଉପ ସହାୟକଙ୍କର ଆବଶ୍ୟକତା ବିଷୟରେ ବିଜ୍ଞାପନ ଦିଆଯାଇଛି । ସେଠାକେର ଲୋକପ୍ରିୟ ଖବର କାଗଜ ଦି-ସନ୍’ରେ ଏହି ବିଜ୍ଞାପନ ଦିଆଯାଇଛି ।
ଏଥିରେ ଆଗରୁ ଅଭିଜ୍ଞତା ଥିବା ଲୋକଙ୍କୁ ଏହି କାର୍ଯ୍ୟପାଇଁ ଆବେଦନ କରିବା ପାଇଁ କୁହାଯାଇଛି । ତେବେ ବିଜ୍ଞାପନରେ ଏହି ଧନୀ ଭାରତୀୟଙ୍କ ବିଷୟରେ କୌଣସି ସୂଚନା ଦିଆଯାଇ ନାହିଁ ।
