ଚୌଦ୍ୱାର : ଭାରତ ସୀମା ସୁରକ୍ଷା ବାହିନୀର ଅବସରପ୍ରାପ୍ତ ଯବାନ ଚୌଦ୍ୱାର ନୂଆସାହି ସାଇବିହାର ନିବାସୀ କୃଷ୍ଣମୂର୍ତ୍ତି ସାମଲ(୪୨)ଙ୍କର ହୃଦଘାତରେ ମୃତ୍ୟୁ ଘଟିଛି । କୃଷ୍ଣମୂର୍ତ୍ତି ଶନିବାର ସକାଳେ ବହାରକୁ ଯିବାପାଇଁ ନିଜ ବାଇକ୍ ବାହାର କରୁଥିବାବେଳେ ହଠାତ୍ ଛାତିରେ ଯନ୍ତ୍ରଣା ହେବାରୁ ସେ ତଳେ ପଡ଼ି ଯାଇଥିଲେ। ପରିବାର ଲୋକେ ଚିକିତ୍ସା ପାଇଁ ତାଙ୍କୁ କଟକ ବଡ଼ ଡାକ୍ତରଖାନା ନେଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କଟକରେ ଶବ ବ୍ୟବଚ୍ଛେଦ ପରେ ପରିବାର ଲୋକେ ଓ ସ୍ଥାନୀୟ ବାସିନ୍ଦା ତାଙ୍କ ମର ଶରୀରକୁ ଶୋଭାଯାତ୍ରାରେ ନେଇ ନୂଆସାହି ଶ୍ମଶାନରେ ସତ୍କାର କରଥିଲେ।ତାଙ୍କର ଏକମାତ୍ର ପୁତ୍ର ମୁଖାଗ୍ନି ଦେଇଥିଲେ। ସୂଚନାଯୋଗ୍ୟ ଯେ, କୃଷ୍ଣମୂର୍ତ୍ତି ନିକଟରେ ପ୍ରତିରକ୍ଷା ବାହିନୀରୁ ଅବସର ନେଇ ନିଜଘରେ ରହି ଅଞ୍ଚଳର ବିଭିନ୍ନ ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମରେ ନିଜକୁ ସମିଲ କରିଥିଲେ। ତାଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
Comments are closed.