ରେଙ୍ଗାଲିକ୍ୟାମ୍ପ: ଆଜି ସକାଳ ୫ଟାରେ ଅତାବିରା ଥାନା ଅନ୍ତର୍ଗତ ଖରମୁଣ୍ଡା ଛକରେ୨୦ ଲିଟର ଦେଶୀ ମଦ ଜବତ କରିଛି ଅତାବିରା ପୁଲିସ। ତିନି ଜଣ ବାଇକରେ ବସି ଦେଶୀ ମଦ ଚାଲାଣ କରୁଥିବା ବେଳେ ପୁଲିସ ତାଙ୍କୁ ଗିରଫ କରିଥିଲା। ଅଭିଯୁକ୍ତ ମାନେ ହେଲେ ଟାଙ୍ଗରପାଲି ପଞ୍ଚାୟତ ରୁନିପାଲିର ପୂର୍ଣ୍ଣଚନ୍ଦ୍ର କଉଡ଼ି (୪୫), ପାହାର ଶ୍ରିଗିଡା ପଞ୍ଚାୟତ ରେଙ୍ଗାଲିର ପ୍ରଫୁଲ୍ଲ କଉଡ଼ି (୪୨) ଓ ଖରମୁଣ୍ଡା ପଞ୍ଚାୟତ ବନ୍ଧଳିଟିକ୍ରା ଜୁଜୁଗାଁର କମଳ କଇଁଟ (୩୮)।
ଏମାନଙ୍କୁ ଗିରଫ କରିବା ସହ ବାଇକକୁ ମଧ୍ୟ ଜବତ କରିଛି ଅତାବିରା ପୁଲିସ। ଏମାନେ ବିଭିନ୍ନ ସ୍ଥାନକୁ ଦେଶୀ ମଦ ଚାଲାଣ କରୁଥିବା ଜଣାପଡିଛି । ଥାନା ଅଧିକାରୀ ସୁକୁମାର ତ୍ରିପାଠୀ ଅସାମାଜିକ କାମ ତଥା ନିଶା ବ୍ୟବସାୟକୁ ଅଞ୍ଚଳରୁ ମୂଳୋତ୍ପାଟନ କରିବା ପାଇଁ ଚାରି ଆଡେ ଜାଲ ବିଛାଇ ରହିଛନ୍ତି। ମଦ ଚୋରା ଚାଲାଣ ହେବା ଦ୍ଵାରା ଅନେକ ନିରୀହ ଜନ ସାଧାରଣ, ଯୁବ ପିଢ଼ି ନିଶାଗ୍ରସ୍ତ ହେବାରେ ଲାଗିଛନ୍ତି। ତେଣୁ ଏମାନଙ୍କୁ ଧରିବା ପାଇଁ ପୁଲିସ ପକ୍ଷରୁ ନିରନ୍ତର ପ୍ରୟାସ ଜାରି ରହିଛି। ଖବର ପାଇ ଥାନା ଅଧିକାରୀ ଶ୍ରୀ ତ୍ରିପାଠୀଙ୍କ ନିର୍ଦ୍ଦେଶ କ୍ରମେ ଏଏସଆଇ ଯୁଗଳ କିଶୋର ତାଣ୍ଡି, କନଷ୍ଟେବଳ ବିପିନ ବିହାରୀ ବେଡବାଗ, ସୁରେଶ୍ଵର ସାହୁ, ମଧୁ ନାଏକ ପ୍ରମୁଖ ଏହି ତିନି ଅଭିଯୁକ୍ତଙ୍କୁ ଧରିଥିଲେ। ଏମାନଙ୍କ ନାମରେ ଏକ ମାମଲା ରୁଜୁ କରି ପୁଲିସ ତାଙ୍କୁ କୋର୍ଟ ଚାଲାଣ କରିଛି।
