ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅନ୍ତର୍ଗତ ମନା ପଡ଼ା ପଞ୍ଚାୟତ ଅଧିନରେ ଥିବା ଲୁରୁପାଲି ଗାଆଁ ଏବେ ବି ବିକାଶଠାରୁ ଦୂରରେ ରହିଛି। ଏହି ଗାଆଁର ମେହେର ପଡ଼ା ରାସ୍ତାର ଦୁଇ ପାର୍ଶ୍ବରେ ଖାଲ ହୋଇ ପୋଖରୀ ଭଳିଆ ପାଣି ଜମି ରହୁଛି। ଫଳରେ ଅଜଣା ଲୋକ ଏହି ରାସ୍ତା ଦେଇ ଯିବା ଆସିବା ବେଳେ ଅନେକ ଛୋଟ ବଡ଼ ଦୁର୍ଘଟଣାର ସମ୍ମୁଖୀନ ହେଉଛନ୍ତି। ଏଠାରେ ପାଣି ଜମି ରହି ମଶା ମlଛିଙ୍କ ପ୍ରାଦୁର୍ଭାବ ବୃଦ୍ଧି ପାଉଛି ।
ଏହି ରାସ୍ତା ସଂଯୋଗ କରୁଛି ଲସ୍ତଲା, କତାବଗା, ମନାପଡ଼ା, କାଠଡେରା ଆଦି ଅନେକ ଗ୍ରାମକୁ। ଅତୀତରେ ଏହି ରାସ୍ତା ଦେଇ ଅଞ୍ଚଳର ପ୍ରସିଦ୍ଧ କାଠ ଡେରା ଗୁଣ୍ଡିଚା ଧାମକୁ ପ୍ରଭୁଙ୍କ ରଥ ନିର୍ମାଣ ପାଇଁ ଯାଇଥିଲା। ଗ୍ରାମର ୨୦୦ ମିଟର ରାସ୍ତା ସମ୍ପୂର୍ଣ ଜରାଜୀର୍ଣ୍ଣ ହୋଇ ପଡ଼ି ରହିଛି। ସାମାନ୍ୟ ବର୍ଷା ହେଲେ କୃତ୍ରିମ ପୋଖରୀ ସୃଷ୍ଟି ହେଉଛି। ଦୀର୍ଘ ଆଠ ବର୍ଷ ହେଲା ଏହି ରାସ୍ତାରେ ପାଣି ଜମିବା ଯୋଗୁଁ ସ୍ଥାନୀୟ ପଡ଼ା ବାସୀ ଯିବା ଆସିବାରେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ରାସ୍ତା ମରାମତି ପାଇଁ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ସ୍ଥାନୀୟ ଅଞ୍ଚଳବାସୀ ନିବେଦନ କରିଛନ୍ତି।
