ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ସ୍ତରୀୟ ପାଚିକା ତଥା ସହାୟିକା ଙ୍କ ପ୍ରଶିକ୍ଷଣ ଶିବିର ବ୍ଲକ୍ ଶିକ୍ଷା ଅଧିକାରୀ ମଚ୍ଛିନ୍ଦ୍ର ମଲ୍ଲିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ତଥା ବିଆରସିସି କାର୍ତ୍ତିକ ବାଗ ଏବଂ ତପନ୍ କୁମାର୍ ଦାସ ଯୋଗଦାନ କରିଥିଲେ। ଏହି ଦିନିକିଆ ତାଲିମ୍ କାର୍ଯ୍ୟକ୍ରମ ଅତାବିରା ଉଚ୍ଚ ବିଦ୍ୟାଳୟ, ବାଳିକା ଉଚ୍ଚ ବିଦ୍ୟାଳୟ ଅତାବିରା ଏବଂ ଜନତା ନୋଡାଲ ଉଚ୍ଚ ବିଦ୍ୟାଳୟ ଗୋଡଭଗା ରେ ଅନୁଷ୍ଠିତ ହୋଇଥିଲା।
ଏଥିରେ ବ୍ଲକର ମୋଟ ୨୯୪ ଜଣ ପାଚିକା ସହାୟିକା ଯୋଗଦାନ କରିଥିଲେ। ସାଧନ କର୍ମୀ ଭାବରେ ସି ଆର୍ ସି ସି ରଞ୍ଜନ ବାଗ୍, ଧରମ ନାୟକ, ସୀତାପତି ପ୍ରଧାନ, କୃତାର୍ଥ ଚନ୍ଦ୍ର ଭୁଏ, ଜୟଦେବ ନାଏକ, ରାଜୀବ ବିଶ୍ଵାଳ, ଭକ୍ତ କଂହେଇ, ରଶ୍ମିରାଣୀ ନନ୍ଦ, କେଶବ ଛନ୍ଦ ଦାୟିତ୍ଵ ନିର୍ବାହ କରିଥିଲେ। ଋଷୁଭ ପଣ୍ଡା,ତ୍ରିଲୋଚନ ସେଠ୍, ରବି ଗୁପ୍ତା, ରିଙ୍କି ସାହୁ, ରୁବି ସାହୁ, କଲ୍ୟାଣୀ ସାମନ୍ତ, ସତ୍ୟବାନ୍ ସାହୁ ଓ ଆନନ୍ଦ ସାହୁ ସହଯୋଗ କରିଥିଲେ। ଖାଦ୍ୟ ନିରାପତ୍ତା ଓ ସ୍ବଚ୍ଛତା ଉପରେ ପିପିଟି ଓ ଭିଡ଼ିଓ ପ୍ରଦର୍ଶନ ମାଧ୍ୟମରେ ଏହି ତାଲିମ ପ୍ରଦାନ କରାଯାଇଥିଲା। ସମସ୍ତ ପାଚିକା ସହାୟିକାଙ୍କୁ ସଫଳତାର ସହ ତାଲିମ୍ ପରିସମାପ୍ତି କରିଥିବାରୁ ସମସ୍ତଙ୍କୁ ପ୍ରମାଣ ପତ୍ର ପ୍ରଦାନ କରାଯାଇ ଥିଲା। ଶେଷରେ ସିଆରସିସି ନନ୍ଦିଘୋଷ ଭୁଏ ଧନ୍ୟବାଦ ଅର୍ପଣ କରିଥିଲେ।
Comments are closed.