ରେଙ୍ଗାଲିକ୍ୟାମ୍ପ: ଅତାବିରା ଥାନା ଅନ୍ତର୍ଗତ ସୁଢ଼ା ପାଲି ଗ୍ରାମ ନିକଟରେ ରାସ୍ତା କଡ଼ରେ ଦୁଇ ଜଣ ଯୁବକ ଏକ ବାଇକ୍ ନଂ ଓଡି ୧୭ ସି ୩୩୩୪ ଯୋଗେ ଚୋକୋ କଫ ସିରଫ ବିକ୍ରୀ କରୁଥିବା ଅଭିଯୋଗ ହୋଇଛି। ସେମାନେ ଚୋକୋ କଫ ସିରଫ ବିକ୍ରୀ କରୁଥିବା ଅଭିଯୋଗ ପାଇବା ପରେ ପୁଲିସ ଚଢ଼ାଉ କରିଥିଲା ଏବଂ ୨ଜଣଙ୍କୁ ଗିରଫ କରିଥିଲା। ଗିରଫ ଅଭିଯୁକ୍ତ ସୁଢାପାଲି ଗ୍ରାମର ଦୁର୍ବାସା ରାଉତିଆ (୨୬) ଓ କେଶବ ସାହୁ (୨୩) ବୋଲି ଜଣାପଡିଛି ।
ଏମାନଙ୍କ ଠାରୁ ୪୦ ଲିଟର ତରଳ ପଦାର୍ଥ ସହ ୪୨ ଟି କଫ ସୀରଫ ବୋତଲ,୫ ଟି ଖାଲି କଫ ସିରଫ୍ ବୋତଲ, ୨ ଷ୍ଟ୍ରିପ ଅଲ୍ପରାୱିନ୍ ବଟିକା, ୧୦ ଟି ପ୍ଲାଷ୍ଟିକ ଜରି ଗ୍ଲାସ, ୨ଟି ମୋବାଇଲ , ନଗଦ ୪୦୦ ଟଙ୍କା ଓ ଗୋଟିଏ ହିରୋ ସ୍ପ୍ଲେଣ୍ଡର ବାଇକ୍ ଜବତ କରିଛି। କେସ ନଂ ୧୨୦ ରେ ଏକ ମାମଲା ରୁଜୁ କରି ପୁଲିସ ସେମାନଙ୍କୁ କୋର୍ଟ ଚାଲାଣ କରିଛି।
ଥାନା ଅଧିକାରୀ ଅନିଲ କୁମାର ପ୍ରଧାନଙ୍କ ନେତୃତ୍ୱରେ ଏକ ଦଳ ଗଠନ କରାଯାଇଛି। ଏହି ସବୁ ଅସାମାଜିକ କାର୍ଯ୍ୟକଳାପ ପ୍ରତି ପୁଲିସ ତଦନ୍ତ ଜାରୀ ରଖିଛି।
