ଗାଡ଼ି ଧକ୍କାରେ ଯୁବକ ମୃତ, ଜାତୀୟ ରାଜପଥ ଅବରୋଧ

ରେଙ୍ଗାଲିକେମ୍ପ: ଅତାବିରା ଟେଲିଫୋନ ଏକ୍ସଚେଞ୍ଜ ଛକ ଅନତି ଦୂରରେ ଆଜି ଅପରାହ୍ନରେ ଏକ ସଡ଼କ ଦୁର୍ଘଟଣାରେ ସରଣ୍ଡା ଗ୍ରାମର ବିଜୟ ଗଡତିଆ (୩୬)ଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତ ବିଜୟ ନିର୍ମାଣକlରି ସଂସ୍ଥା ଅଶୋକା ୱିଲକାନରେ ସୁପରଭାଇଜର କାମ କରନ୍ତି। ସେ ଆଜି ଅତାବିରା ପେଟ୍ରୋଲ ପମ୍ପ ପାଖରେ ସଂସ୍ଥାରେ କର୍ମରତ କିଛି ଶ୍ରମିକମାନଙ୍କୁ ପେମେଣ୍ଟ କରିସାରିବା ପରେ ଜାତୀୟ ରାସ୍ତା କଡ଼ରେ ପରିସ୍ରା କରୁଥବା ସମୟରେ ବରଗଡ଼ରୁ ସମ୍ବଲପୁର ଅଭିମୁଖେ ଯାଉଥିବା ଏକ ୭୦୯ ବୋଝେଇ ଗାଡ଼ି ଧକ୍କା ଦେଇ ଭାରସାମ୍ୟ ହରାଇ ରାସ୍ତା ପlର୍ଶ୍ଵସ୍ଥ ବିଲ ଭିତରକୁ ପଶିଯାଇଥିଲା। ଫଳରେ ଘଟଣା ସ୍ଥଳରେ ବିଜୟଙ୍କ ମୃତ୍ୟୁ ଘଟିଥିଲା। ଡ୍ରାଇଭର ଜଣକ ଫେରାର ଥିବା ଜଣା ପଡିଛି। ଏହି ଘଟଣାରେ ଜନ ସାଧାରଣ ଉତ୍ୟକ୍ତ ହୋଇ ଜାତୀୟ ରାଜପଥକୁ ଅବରୋଧ କରିଥିଲେ। ଗାଡ଼ି ମାଲିକ ନ ଆସିବା ଯାଏଁ ରାସ୍ତା ବନ୍ଦ ରହିବ ବୋଲି ଜଣାପଡିଛି। ଫଳରେ ଉଭୟ ପାର୍ଶ୍ଵରେ ପ୍ରାୟ ଦୁଇ ଦୁଇ କିମି ପର୍ଯ୍ୟନ୍ତ ଯାନବାହନ ଗୁଡିକ ଅଟକ ରହିଥିଲା। ଏହି ଖବର ପାଇ ଅତାବିରା ଥାନା ଅଧିକାରୀ ଅନିଲ ପ୍ରଧାନ ସଦଳ ବଳେ ଘଟଣା ସ୍ଥଳକୁ ପହଞ୍ଚି ଏହାର ତଦନ୍ତ ଆରମ୍ଭ କରିଛନ୍ତି।