ରେଙ୍ଗାଲି: ରେଙ୍ଗାଲି ରେଳ ଷ୍ଟେସନରେ ଧାନବାଦ-ଆଲେପି, ପୁରୀ ହାଟିଆ, ହାଓଡା-ଟିଟିଲାଗଡ ସପୁରଫାଷ୍ଟ, ରାଉରକେଲା-ଗୁଣପୁର, ସମ୍ବଲପୁର- ଜମ୍ବୁ ତାଓି ଆଦି ଦ୍ରୁଗାମୀ ଟ୍ରେନର ରହଣୀ ଏବଂ ରାଉରକେଲାରୁ ଝାରସୁଗୁଡା ପର୍ଯ୍ୟନ୍ତ ଆସୁଥିବା ଡିଏମ୍ୟୁ ଟ୍ରେନ୍ ସମ୍ବଲପୁର ପର୍ଯ୍ୟନ୍ତ ପାଇଁ ବାରମ୍ବାର ରେଲ କର୍ତ୍ତୃପକ୍ଷଙ୍କ ନିକଟରେ ଦାବୀ କରାଯାଇଥିଲା ମଧ୍ୟ ଏପର୍ଯ୍ୟନ୍ତ ଦାବୀ ପୂରଣ ହୋଇନାହିଁ। ଫଳରେ ଜନଅସନ୍ତୋଷ ବୃଦ୍ଧି ପାଇବାରେ ଲାଗିଛି। ଆସନ୍ତା ୧୭ ତାରିଖ ସୁଦ୍ଧା ଦାବୀ ପୂରଣ କରା ନଗଲେ ୧୮ ତାରିଖ ବିଜେପି ରେଙ୍ଗାଲି ମଣ୍ଡଳ ପକ୍ଷରୁ ଆନ୍ଦୋଳନାତ୍ମକପନ୍ଥା ଅବଳମ୍ବନ କରି ରେଲ ଲାଇନ୍ ଉପରେ ଗଣଧାରଣା ଦିଆଯିବ ବୋଲି ଆଜି ବିଜେପିର ଏକ ପ୍ରତିନିଧି ମଣ୍ଡଲ ସମ୍ବଲପୁର ରେଳ ମଣ୍ଡଳ ଅଧିକାରୀଙ୍କୁ ସାକ୍ଷାତ କରି ଦାବୀପତ୍ର ପ୍ରଦାନ କରିଛି। ଏହି ପ୍ରତିନିଧି ଦଳରେ ରେଙ୍ଗାଲି ବିଧାୟକ ନାଉରି ନାଏକ, ବ୍ଳକ୍ ସାସଂଦ ପ୍ରତିନିଧି ଯୁଗଳ କିଶୋର ଅଗ୍ରଓାଲା, ବିଶିକେଶନ ପଣ୍ଡା, ଜିଲ୍ଲା ପରିଷଦ ସଭ୍ୟ ତିରୋଜ ହେଡେଞ୍ଜା, ଆଶିଷ ହୋତା, ନବୀନ ପ୍ରଧାନ ପ୍ରମୁଖ ସାମିଲ ଥିଲେ।
Comments are closed.