ଦେଖନ୍ତୁ ଭିଡିଓ, ରିଅଲ୍‌ ହୀରୋ – କଟୁରୀରେ ହାଣିବାକୁ ଚେଷ୍ଟା କରୁଥିବା ଅପରାଧୀଙ୍କୁ ଏମିତି ଧରିଲେ

ଥିରୁଭାଅନନ୍ତପୁରମ୍‌ – ଚଳଚ୍ଚିତ୍ରମାନଙ୍କରେ ଏମିତି ଦୃଶ୍ୟ ଦେଖିବା ପାଇଁ ମିଳିଥାଏ । ମାତ୍ର ବେଳେ ବେଳେ ସତରେ ଏମିତି ଦୃଶ୍ୟ ବି ଦେଖିବା ପାଇଁ ମିଳେ । କେରଳରେ ଘଟିଥିବା ଏହି ଘଟଣା ସିସିଟିଭିରେ କଏଦ ହୋଇଛି । ଏକ ପେଶାଦାର ଅପରାଧୀକୁ ପୁଲିସ ଅଧିକାରୀ ସିନେମା ଷ୍ଟାଇଲ୍‌ରେ କାବୁ କରିଛନ୍ତି ।

How a real #hero looks like…👨🏽‍✈️💪🏽
Kudos to this Sub Inspector of Police from Kerala

⁦@TheKeralaPolice⁩ pic.twitter.com/UZfX5Wya7J

— Swati Lakra (@SwatiLakra_IPS) June 19, 2022

ଏହାକୁ ଆଇପିଏସ୍‌ ଅଧିକାରୀ ସ୍ୱାତୀ ଲାକ୍ରା ନିଜ ଟ୍ୱିଟର ଆକାଉଣ୍ଟରେ ପୋଷ୍ଟ କରିଛନ୍ତି । କେରଳର କାୟାକୁଲମ୍‌ ଅଞ୍ଚଳରେ ଅପରାଧୀ ଗାଡିରେ ଏକ ଧାରୁଆ ଅସ୍ତ୍ର ରଖି ଯାଉଥିଲା । ପୁଲିସର ଗାଡି ଦେଖି ସେ ଖସି ଯିବା ପାଇଁ ଚେଷ୍ଟା କରୁଥିଲା । ମାତ୍ର ଅପରାଧୀ ଗାଡି ବୁଲାଇ ପାରି ନଥିଲା । ପରେ ସେ ଗାଡିରେ ରଖଥିବା ବଡ କଟୁରୀ ବା କାତିରେ ପୁଲିସ ଅଧିକାରୀଙ୍କୁ ହାଣିବା ପାଇଁ ଚେଷ୍ଟା କରିଥିଲା ।

ପୁଲିସ ଅଧିକାରୀ ଜଣଙ୍କ ଏକାକୀ ତାକୁ କାବୁ କରିଥିଲେ । ପରେ କିଛି ସ୍ଥାନୀୟ ଲୋକ ଆସି ଅପରାଧୀ ହାତରୁ ଧାରୁଆ ଅସ୍ତ୍ରକୁ ଛଡାଇଥିଲେ । ପୁଲିସ ଅଧିକାରୀ ଜଣଙ୍କ ବେଶ୍‌ ସାହାସିକତାର ସହ ଅପରାଧୀର ସାମ୍ନା କରିବା ସହ ତାକୁ କାବୁ କରିଥିଲେ । ପୁଲିସ ଅଧିକାରୀଙ୍କର ଏହି କାର୍ଯ୍ୟକୁ ସାମାଜିକ ଗଣମାଧ୍ୟମାନଙ୍କରେ ବେଶ୍‌ ପ୍ରଶଂସା କରାଯାଉଛି ।