ବିଷମକଟକ : ଗୁଣି ସନ୍ଦେହରେ ଜଣଙ୍କୁ ପୋଡ଼ି ମାରି ଦେବା ଘଟଣାରେ ୬ ଜଣଙ୍କୁ ଆଜୀବନ କାରାଦଣ୍ଡାଦେଶ ହୋଇଛି। ରାୟଗଡ଼ା ଜିଲା ବିଷମକଟକ ଏଡିଜେ ସିଦ୍ଧାର୍ଥ ସାହୁ ୨୦୧୫ ମସିହାରେ ଘଟିଥିବା ମାମଲାର ବିଚାରଣା କରି ଉକ୍ତ ରାୟ ଶୁଣାଇଛନ୍ତି। ଅଭିଯୁକ୍ତମାନେ ହେଲେ ସିଙ୍ଗାନା କଲାକା, ରବି କଲାକା, ଘନା କୁମୁରିକା, ଧନିଆ ତଇକା, ସୁକୁରୁ କଲକା ଏବଂ ନାଥୁରାମ କଲାକା। ବିଷମକଟକ ଥାନା ସାହାଡ଼ା ପଞ୍ଚାୟତ କଣାଗାଁ ଗ୍ରାମର ଆଦିବାସୀ ଯୁବକ ଜଗବନ୍ଧୁ କଲାକାଙ୍କୁ ଦଶବର୍ଷ ତଳେ ଗୁଣି ସନ୍ଦେହରେ ଉକ୍ତ ଗ୍ରାମର ଦଶ ଜଣ ବ୍ୟକ୍ତି ମିଶି ନିର୍ମମ ଭାବେ ଜୀଅନ୍ତା ପୋଡ଼ି ମାରି ଦେଇଥିଲେ। ଏନେଇ ବିଷମକଟକ ଥାନାରେ ଏକ ମାମଲା ରୁଜୁ ହୋଇଥିଲା। ପୁଲିସ ତଦନ୍ତ କରି ସମସ୍ତ ଅଭିଯୁକ୍ତଙ୍କୁ ଗିରଫ କରିଥିଲା। ଦଶ ଅଭିଯୁକ୍ତଙ୍କ ମଧ୍ୟରୁ ୩ ନାବାଳକ ରହିଥିଲେ। ସେମାନଙ୍କୁ ପୂର୍ବରୁ ସୁଧାର ଗୃହକୁ ପଠାଇ ଦିଆଯାଇଥିଲା। ଉକ୍ତ ଘଟଣାରେ ସମ୍ପୃକ୍ତ ଅନ୍ୟ ଜଣେ ଅଭିଯୁକ୍ତଙ୍କ ମୃତ୍ୟୁ ହୋଇସାରିଛି। ସରକାରୀ ଓକିଲ ପ୍ରଶାନ୍ତ କୁମାର ରଥ ମାମଲା ପରିଚାଳନା କରୁଥିଲେ।
Popular Categories
Previous article
Next article