ସାପୁଆ ନଦୀର ରମ୍ପାରେ ୨୦ ଫୁଟର ଘାଇ

ଗୁରୁଡିଝାଟିଆ :  ବନ୍ୟାର ୭ଦିନ ପରେ ମଧ୍ୟ ପୁରୁଣା କଟକ-ସମ୍ବଲପୁର ରାସ୍ତାର ନିଧିପୁର ଗଡା ନିକଟରେ ଅଢେଇଫୁଟ ର ବନ୍ୟାଜଳ ପ୍ରବାହିତ ହେଉଛି। ଫଳରେ ଏହି ରାସ୍ତା ଦେଇ ଆଠଗଡ ଓ ପଶ୍ଚିମ ଓଡିଶାକୁ ଯାତାୟାତ ହୋଇପାରୁନାହିଁ । ବନ୍ୟାଜଳରେ ମହାନଦୀ ଫୁଲିବା ଫଳରେ ସାପୁଆ ନଦୀର ରମ୍ପା ଠାରେ ୨୦ ଫୁଟର ଏକ ଘାଇ ହୋଇଛି । ଘାଇ ଦେଇ ସାପୁଆରୁ ପାଣି ଜେନାପୁରର କିଆକୋଇଲି ଦେଇ ନିଧିପୁର ଗଡାରେ ବନ୍ୟାଜଳ ଆସୁଥିବାରୁ ରାସ୍ତାରେ ସ୍ୱାଭାବିକ ଅବସ୍ଥା ହୋଇପାରୁନାହିଁ । ଜଳସେଚନ ବିଭାଗର ଯନ୍ତ୍ରୀମାନେ ତୁରନ୍ତ ରମ୍ପାଠାରେ ଘାଇ ମରାମତି ନକଲେ ପୁନର୍ବାର ମହାନଦୀର ସ୍ୱଳ୍ପ ବନ୍ୟା ଆସିଲେ ମଧ୍ୟ ସାପୁଆ ନଦୀ ଦେଇ ବନ୍ୟାଜନ ଆସିଲେ ପୁନର୍ବାର ନିଧିପୁର ଗଡାରେ ବନ୍ୟାଜଳ ପ୍ରବାହିତ ହେବ।