ମୁମ୍ବାଇ : ନିର୍ଦ୍ଦେଶକ ନିତେଶ ତିଓ୍ବାରୀଙ୍କ ‘ରାମାୟଣ’ ଏବେ ବଲିଉଡର ସବୁଠାରୁ ବଡ ପ୍ରକଳ୍ପ ଯାହାକୁ ସମସ୍ତେ ଅପେକ୍ଷା କରି ରହିଛନ୍ତି । ଏପର୍ଯ୍ୟନ୍ତ ଫିଲ୍ମର ଅଫିସିଆଲ ଘୋଷଣା ହୋଇନି କିନ୍ତୁ ଅଲଗା ଅଲଗା ରିପୋର୍ଟ ଓ ସେଟରୁ ଲିକ୍ ହୋଇଥିବା ଫଟୋରୁ ଏହା ସ୍ପଷ୍ଟ ହୋଇଛି କି ରଣବୀର କପୁର ଏହି ଫିଲ୍ମରେ ପ୍ରଭୁ ଶ୍ରୀରାମଙ୍କ ଭୂମିକାରେ ନଜର ଆସିବେ ।
ଏବେ କାଷ୍ଟିଂ ଡାଇରେକ୍ଟର ମୁକେଶ ଛାଓ୍ବଡା ଜଣାଇଛନ୍ତି କି ତାଙ୍କ ହିସାବରେ ‘ଆନିମଲ’ ଷ୍ଟାର ରଣବୀର ‘ରାମାୟଣ’ରେ ମୁଖ୍ୟ ଭୂମିକା ପାଇଁ ଉପଯୁକ୍ତ । ତେବେ ଲକ୍ଷ୍ମଣଙ୍କ ଭୂମିକା ପାଇଁ କଳାକାର ଖୋଜିବା ତାଙ୍କ ପାଇଁ କାଠିକର ପାଠ ବୋଲି ସେ ଜଣାଇଛନ୍ତି ।
କହିଖୁଛୁ ସାମ୍ନାକୁ ଆସିଥିବା କିଛି ରିପୋର୍ଟ ଅନୁସାରେ ଟିଭି କଳାକାର ରବି ଦୁବେ ‘ରାମାୟଣ’ରେ ଲକ୍ଷ୍ମଣଙ୍କ ଭୂମିକାରେ ନଜର ଆସିବେ । ତେବେ ନିର୍ମାତା ଏହି କାଷ୍ଟିଂ ଉପରେ କିଛି ବୟାନ ଦେଇନାହାଁନ୍ତି । ରାମାୟଣରେ ରଣବୀର କପୁରଙ୍କ ବ୍ୟତୀତ ସାଇ ପଲ୍ଲବୀ, ସନି ଦେଓ୍ବଲ ଏବଂ କେଜିଏଫ୍ ଷ୍ଟାର ୟଶ ନଜର ଆସିବେ । ଅରୁଣ ଗୋବିଲ ଦଶରଥ ଭୂମିକାରେ ନଜର ଆସିବେ ବୋଲି ଖବର ସାମ୍ନାକୁ ଆସିଛି ।
Comments are closed.