ବରିଷ୍ଠ ସାମ୍ବାଦିକ ତ୍ରିବିକ୍ରମ ରାମକୃଷ୍ଣ ମହାପାତ୍ରଙ୍କ ପରଲୋକ

ପିପିଲି :ପୁରୀ ଜିଲା କୋଣାର୍କ ଅଞ୍ଚଳର ବରିଷ୍ଠ ସାମ୍ବାଦିକ ତଥା ପୁରୀ ଜିଲା ପେଷାଦାର ସାମ୍ବାଦିକ ସଂଘର ସଭାପତି ତ୍ରିବିକ୍ରମ ରାମକୃଷ୍ଣ ମହାପାତ୍ର ଙ୍କର ୬୫ବର୍ଷ ବୟସର ପରଲୋକ ଘଟିଛି । ଗତ ଶନିବାର ଦିନ ତାଙ୍କ ଛାତିରେ ଯନ୍ତ୍ରଣା ହେବାରୁ ପରିବାର ଲୋକେ ତାଙ୍କୁ ଭୁବନେଶ୍ୱର ସ୍ଥିତ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ତାଙ୍କର ୩ଟି ଷ୍ଟେନ୍‍ ଲାଗିଥିଲା ଓ ସେ ଧିରେ ଧିରେ ସୁସ୍ଥ ହେଉଥିବାବେଳେ ମଙ୍ଗଳବାର ଅପରାହ୍ନରେ ହଠାତ୍‍ ତାଙ୍କର ବ୍ରେନ୍‍ ଷ୍ଟ୍ରୋକ୍‍ ହେବାରୁ ତାଙ୍କୁ ସଂକଟାପନ୍ନ ଅବସ୍ଥାରେ ଭେଣ୍ଟିଲେଟରରେ ରଖାଯାଇ ଚିକିତ୍ସା କରାଯାଇଥିଲା । ତେବେ ଡାକ୍ତରଙ୍କର ସବୁ ଉଦ୍ୟମ ସତ୍ବେ ବୁଧବାର ସକାଳ ସାଢେ ୯ଟାରେ ତାଙ୍କର ପରଲୋକ ଘଟିଥିଲା । ତାଙ୍କ ମରଶରୀରକୁ ଭୁବନେଶ୍ୱରରୁ କୋଣାର୍କ ନିଆଯାଉଥିବା ବେଳେ ଅପରାହ୍ନରେ ପିପିଲି ତରାକାଜ ଛକ ଠାରେ ଅଞ୍ଚଳର ବରିଷ୍ଟ ସାମ୍ବାଦିକ ରାଜକିଶୋର ସ୍ୱାଇଁ, ପ୍ରଦ୍ୟୁମ୍ନ କୁମାର ସୁବୁଦ୍ଧି, ଚନ୍ଦ୍ରମାଧବ ମିଶ୍ର, ବିଜୟ କୁମାର ମହାପାତ୍ର, ଦେବାଶିଷ ସିଂରାୟନ, ସଞ୍ଜୟ କୁମାର ପ୍ରଧାନ, ପ୍ରଶାନ୍ତ କୁମାର ଦିକ୍ଷିତ, ହେମନ୍ତ କୁମାର ସେଠୀ, ମନୋରଞ୍ଜନ ମହାପାତ୍ର, ପ୍ରଫୁଲ୍ଲ କୁମାର ସାହୁ, ଦୁର୍ଗାଚରଣ ନାୟକଙ୍କ ସମେତ ବହୁ ସାମ୍ବାଦିକମାନେ ତାଙ୍କର ଶେଷଦର୍ଶନ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଥିଲେ । ଏହି ଅବସରରେ ବରିଷ୍ଟ ସାମ୍ବାଦିକ ରାଜକିଶୋର ସ୍ୱାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋକସଭାରେ ସ୍ୱର୍ଗତ ମହାପାତ୍ରଙ୍କ ଅମରଆତ୍ମାର ସଦ୍‍ଗତି ନିମନ୍ତେ ୨ମିନିଟ୍‍ ନିରବ ପ୍ରାର୍ଥନା କରାଯାଇଥିଲା ।