ଭୁବନେଶ୍ବର: ମଙ୍ଗଳବାର ବିଜେଡି ଘୋଷଣା କରିଥିବା ଦୁଇ ପ୍ରାର୍ଥୀ ପ୍ରାର୍ଥୀପତ୍ର ଦାଖଲ କରିବେ । ଗତକାଲି ଖାଲି ପଡୁଥିବା ରାଜ୍ୟସଭା ଆସନ ପାଇଁ ବିଜେଡି ପ୍ରାର୍ଥୀ ଘୋଷଣା କରିଥିଲା। ୩ଟି ଆସନ ମଧ୍ୟରୁ ଦୁଇଟି ପାଇଁ ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ଏବଂ ରାଜ୍ୟ ଯୁବ ବିଜେଡି ଉପସଭାପତି ଶୁଭାଶିଷ ଖୁଣ୍ଟିଆଙ୍କ ନାଁ ଦଳ ଘୋଷଣା କରିଛି। ତେବେ ମଙ୍ଗଳବାର ଉଭୟ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିବେ । ସେଠାରୁ ବିଧାନସଭାରେ ସ୍ବତନ୍ତ୍ର ଭାବରେ ପ୍ରସ୍ତୁତ ହୋଇଥିବା କକ୍ଷରେ ଉଭୟ ପ୍ରାର୍ଥୀପତ୍ର ଦାଖଲ କରିବେ । ଏହି ସମୟରେ ବିଜେଡିର କିଛି ବରିଷ୍ଠ ନେତା ଉପସ୍ଥିତ ରହିବେ । ରାଜ୍ୟସଭାକୁ ଏଥର ୩ ପ୍ରାର୍ଥୀ ଯାଉଥିବାବେଳେ ବିଜେଡି ଦୁଇ ଜଣଙ୍କ ନାଁ ଘୋଷଣା କରିଛି। ବର୍ତ୍ତମାନ ପର୍ଯ୍ୟନ୍ତ ତୃତୀୟ ବ୍ୟକ୍ତିଙ୍କ ନାଁ ଦଳ ଘୋଷଣା କରିନାହିଁ। ତାକୁ ନେଇ ଏବେବି ସସପେନ୍ସ ଲାଗିରହିଛି। ଆସନ୍ତା ୨୭ ତାରିଖରେ ଓଡିଶାର ୩ଟି ଆସନ ସହ ୧୫ ରାଜ୍ୟର ୫୬ଟି ରାଜ୍ୟସଭା ସିଟ୍ ପାଇଁ ନିର୍ବାଚନ ହେବ।
Comments are closed.