ଜୟପୁର : ଚୁରୁ-ହନୁମାନଗଡ ମେଗା ହାଇୱେରେ କଣ୍ଟେନର ଓ ଟାଟା ସଫାରୀ ଗାଡି ଧକ୍କା ହୋଇ ୫ ଜଣଙ୍କ ମୃତ୍ୟୁ ଘଟିଛି। କଣ୍ଟେନର ଚାଳକ ସମେତ ୨ ଜଣ ଗଭୀର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ବିଳମ୍ବିତ ରାତିରେ ଏହି ଦୁର୍ଘଟଣା ଚୁରୁ ଜିଲାରେ ସରଦାରସହରରେ ଘଟିଛି।
ମିଳିଥିବା ସୂଚନାନୁଯାୟୀ, ଟାଟା ସଫାରୀ ଗାଡିରେ ଥିବା ଯାତ୍ରୀ ସରଦାରସହରରୁ ହନୁମାନଗଡ ଅଭିମୁଖେ ଯାଉଥିଲେ। ବିପରୀତ ଦିଗରୁ ଆସୁଥିବା କଣ୍ଟେନର ସହ ଟାଟା ସଫାରୀ ମୁହାଁମୁହିଁ ଧକ୍କା ହୋଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
- Advertisement -
