ନୂଆଦିଲ୍ଲୀ : ଭୋର ସମୟରେ ରାଜଧାନୀ ଦିଲ୍ଲୀରେ ୩ ଜଣଙ୍କ ହତ୍ୟା ଘଟଣା ହଇଚଇ ସୃଷ୍ଟି କରିଛି । ଦକ୍ଷିଣ ଦିଲ୍ଲୀର ନେବ ସରାୟ ଅଞ୍ଚଳରେ ଦେବଲୀରେ ପତି-ପତ୍ନୀ ଓ ତାଙ୍କ ଝିଅକୁ ହତ୍ୟା କରାଯାଇଥିବା ଘଟଣା ବୁଧବାର ସାମ୍ନାକୁ ଆସିଛି । ଖବର ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି ।
ମିଳିଥିବା ସୂଚନାନୁଯାୟୀ, ଦକ୍ଷିଣ ଦିଲ୍ଲୀର ନେବ ସରାୟ ଅଞ୍ଚଳରେ ୩ ଜଣଙ୍କୁ ହତ୍ୟା କରାଯାଇଛି । ମୃତକଙ୍କ ନାମ ରାଜେଶ (୫୫), କୋମଲ (୪୭), ଝିଅ କବିତା (୨୩) ।
ପ୍ରାଥମିକ ତଦନ୍ତ ଅନୁଯାୟୀ, ରାଜେଶଙ୍କ ପୁଅ ଭୋର ୫ଟା ସମୟରେ ପ୍ରାତଃ ଭ୍ରମଣ ପାଇଁ ଯାଇ ଘରକୁ ଫେରିବା ପରେ ବାପା-ମାଆ, ଉଭଣୀଙ୍କ ମୃତଦେହ ଘର ଭିତରେ ପଡିଥିବା ଦେଖିଥିଲେ । ରାଜେଶ ଭାରତୀୟ ସେନାରୁ ଅବସର ଗ୍ରହଣ କରିଥିଲେ । ବୁଧବାର ତାଙ୍କ ବିବାହ ବାର୍ଷିକୀ ଥିଲା । ଖବର ସାମ୍ନାକୁ ଆସିବା ପରେ ଅଞ୍ଚଳରେ ଭିଡ ଜମିବା ସହ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା।
- Advertisement -
