ଫୁଲବାଣୀ : କନ୍ଧମାଳ ଜ଼ିଲ୍ଲା ଫୁଲବାଣୀ ଅରବିନ୍ଦ ନଗର ଅଙ୍ଗନୱାଡି କେନ୍ଦ୍ର ପରିସରରେ ଅଂଚଳର କୁନି କୁନି ପିଲା ଓ ବାଳକ ବାଳିକାଙ୍କ ଗହଣରେ ରଜପର୍ବ ପାଳିତ ହୋଇଯାଇଛି। ରଜ ପର୍ବରେ ନାଚ, ପୁଚି ଖେଳ, ରଙ୍ଗୋଲି, ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ଜିଲ୍ଲାର ସାମାଜିକ ସଂଗଠନ ଜାଗ୍ରତ କନ୍ଧମାଳର ସାଧାରଣ ସମ୍ପାଦକ ସତ୍ୟନାରାୟଣ ବେହେରା ମୁଖ୍ୟଅତିଥି, ସମ୍ମାନିତ ଅତିଥି ଭାବେ ଏବିଭିପି କାର୍ଯ୍ୟକର୍ତ୍ତା ତଅପୋଇ କହ୍ନର,ସଜନା କହ୍ନର, ମହିଳା ନେତ୍ରୀ ରଶ୍ମିତା ପଟନାୟକ, ଜାଗ୍ରତ କନ୍ଧମାଳ ଓବିସି ସଂଗଠକ ବିପ୍ରବର ସ୍ୱାଇଁ, ଅଙ୍ଗନୱାଡି କର୍ମୀ ବୈଜୟନ୍ତୀ କହ୍ନର ଉପସ୍ଥିତ ଥିଲେ, ବାଳିକା ମାନଙ୍କ ଦୋଳି ଖେଳାଠୁ ଆରମ୍ଭ କରି ପୁଚି ଖେଳ, ମ୍ୟୁଜିକ୍ ଚେୟାର ଖେଳ ଅନୁଷ୍ଠିତ ହୋଇଥିଲା। ସବୁବର୍ଷ ପରି ରଜ ପର୍ବ ଅରବିନ୍ଦନଗର ଠାରେ ଆୟୋଜନ କରାଯାଇଥିବାରୁ ଏହି ପର୍ବ ଦ୍ୱାରା ଭାଇଚାରା ସୃଷ୍ଟି ହୋଇପାରିବ ବୋଲି ମୁଖ୍ୟ ଅତିଥି ଶ୍ରୀ ବେହେରା କହିଥିଲେ। ଅତିଥି ବିପ୍ରବର ସ୍ୱାଇଁ ଏହାଦ୍ୱାରା ପିଲାଙ୍କ ମନରେ ସଂସ୍କୃତି ପ୍ରତି ଉତ୍ସାହ ସୃଷ୍ଟି ହେବ ବୋଲି ପ୍ରକାଶ କରିଥିଲେ। ନୃତ୍ୟ ପ୍ରତିଯୋଗିତାରେ ଅଦିତି କହ୍ନର ପ୍ରଥମ, ଖୁସି ଡିଗାଲ ଦ୍ୱିତୀୟ ସ୍ଥାନ, ପୁଚି ଖେଳରେ ଅସ୍ମି କିରଣ କହ୍ନର ପ୍ରଥମ, ଲଭଲି ବେହେରା ଦ୍ୱିତୀୟ , ମ୍ୟୁଜିକ୍ ଚେୟାରରେ ଶୁଭଶ୍ରୀ ପଧାନ ପ୍ରଥମ ଓ ପାୟଲ ମହାକୁଡ଼ ପ୍ରମୁଖ ମୁଖ୍ୟ ଅତିଥି ଓ ଅତିଥିଙ୍କ ଦ୍ୱାରା ପୁରସ୍କୃତ ହୋଇ ଥିଲେ। ଅନ୍ୟତମ ଅତିଥିଭାବେ ସୁବାସ ପଣ୍ଡା ମଧ୍ୟ୍ୟ ଯୋଗ ଦେଇ ଥିଲେ। ଏହି ଉତ୍ସବକୁ ତ୍ରିଲୋଚନ ଗଣ୍ଡା ପରିଚାଳନା କରିଥିଲେ।
Comments are closed.