ରାଇମୋହନଙ୍କ ଆତ୍ମହତ୍ୟା ଖିଅ ଖୋଜୁଛି ପୁଲିସ-ଝିଅ, ଜ୍ବାଇଁ, ପତ୍ନୀ ଓ ପୁତୁରାଙ୍କୁ ପଚରାଉଚୁରା

ଆତ୍ମହତ୍ୟା ଓ ହତ୍ୟା ଉଭୟ ଦିଗକୁ ନେଇ ତଦନ୍ତ ଚାଲିଛି; ଭିସେରା tଓ ମୃତଦେହ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା

ଭୁବନେଶ୍ବର: ରାଇମୋହନ ପରିଡ଼ା ଆତ୍ମହତ୍ୟା ଘଟଣାରେ କମିଶନରେଟ ପୁଲିସ ସୂଚନା ଦେଇ କହିଛି ଯେ ଅଭିନେତା ରାଇମୋହନ ପରିଡ଼ାଙ୍କ ଆତ୍ମହତ୍ୟା ଓ ହତ୍ୟା ଉଭୟ ଦିଗକୁ ନେଇ ତଦନ୍ତ ଚାଲିଛି। ଝିଅ, ଜ୍ବାଇଁ, ପତ୍ନୀ ଓ ପୁତୁରାଙ୍କୁ ପଚରା ଉଚୁରା କରାଯାଇଛି। ରାଇମୋହନଙ୍କ ମୋବାଇଲ ଜବତ ହୋଇଛି ଏବଂ ତାହା ଟେକ୍ନିକାଲ ଟିମକୁ ଦିଆଯିବ। ଭିସେରା, ମୃତଦେହ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହେବ।
ରାଇମୋହନ ପରିଡ଼ାଙ୍କ ମୃତ୍ୟୁକୁ ୪୮ ଘଣ୍ଟା ପୁରିଥିବା ବେଳେ ମୃତ୍ୟୁର କାରଣ ଏବେ ବି ସ୍ପଷ୍ଟ ହୋଇପାରିନାହିଁ। ପୁଲିସ ରାଇମୋହନଙ୍କ ଝିଅ, ଜ୍ବାଇଁ, ପତ୍ନୀ ଓ ପୁତୁରାଙ୍କୁ ଦୁଇ ଘଣ୍ଟାରୁ ଅଧିକ ସମୟ ଧରି ପଚରାଉଚରା କରିଛି । ରବିବାର ସକାଳେ ରାଇମୋହନ ବ୍ୟବହାର କରିଥିବା ମୋବାଇଲକୁ ଯାଞ୍ଚ କରାଯାଇଛି ।

 

ମୋବାଇଲ ଯାଞ୍ଚ କରିବା ପରେ କଲ ଡିଟେଲସରୁ କିଛି ତଥ୍ୟର ପୁଲିସକୁ ସୁରାକ ମିଳିଥାଇପାରେ ବୋଲି ଅନୁମାନ କରାଯାଉଛି। ତେବେ ରାଇମୋହନ ପରିଡ଼ାଙ୍କ ଆତ୍ମହତ୍ୟା ନେଇ ଅନେକ ଅସମାହିତ ପ୍ରଶ୍ନ ଏବେ ବି ରହିଛି। କୁହାଯାଉଛି, ୮ରୁ ୧୦ଦିନ ଭିତରେ ପୁଲିସ ରାଇମୋହନଙ୍କ ଘରକୁ ଆସିଥିଲା। ହୁଏତ ଏହାକୁ ନେଇ ଚାପରେ ଥିଲେ ରାଇମୋହନ। ପାରିବାରିକ କଳହ ନା ଆଉ କିଛି କାରଣ ପାଇଁ ଜୀବନ ହାରିଲେ ରାଇମୋହନ? ଏଭଳି କିଛି ପ୍ରଶ୍ନ ସମସ୍ତଙ୍କ ମନରେ ଉଙ୍କି ମାରୁଛି। ସାଇଣ୍ଟିଫିକ ଟିମ ରିପୋର୍ଟ ଦେଇସାରିଛନ୍ତି। ଏବେ ସୋମବାର ମୃତଦେହ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରାଯାଇଛି। ତାହା ଆସିବା ପରେ ସବୁ କିଛି ସ୍ପଷ୍ଟ ହୋଇଯିବ ବୋଲି ଆଶା କରାଯାଉଛି।

Comments are closed.