ମୁମ୍ବଇ : ହିନ୍ଦୀ ଚଳଚ୍ଚିତ୍ର ଜଗତରେ ଭାଇଜାନ ନାମରେ ସୁପରିଚିତ ସଲମନ ଖାନ ଏବେ ତାଙ୍କର ଆଗାମୀ ଚଳଚ୍ଚିତ୍ର ‘ରେସ-୩’ର ପ୍ରଚାରରେ ବ୍ୟସ୍ତ ଅଛନ୍ତି। ରେମୋ ଡିସୁଜାଙ୍କ ନିର୍ଦେଶନାରେ ନିର୍ମିତ ଏହି ଚଳଚ୍ଚିତ୍ରଟି ଚଳିତବର୍ଷ ରେକର୍ଡ ସୃଷ୍ଟି କରିବ ବୋଲି ଅନୁମାନ କରାଯାଉଛି। ଏହି ସିନେମାରେ ସଲମାନ ଖାନଙ୍କ ବ୍ୟତିତ ଅନୀଲ କପୁର , ବବି ଦେଓଲ , ଜ୍ୟାକଲିନ ଫର୍ଣ୍ଣାଣ୍ଡିଜ, ସାକିମ ସଲିମ ଏବଂ ଡେଜି ସାହାଙ୍କ ଭଳି କଳାକାର ନଜର ଆସିବେ। ଚଳଚ୍ଚିତ୍ରର ଟ୍ରେଲର ରିଲିଜ୍ ହୋଇସାରିଛି। ଖବର ଅନୁସାରେ ଏହି ସିନେମାରେ ଦୁଇଟି କ୍ଲାଇମେକ୍ସ ସୁଟିଂ କରାଯାଇଛି। ଯେଉଥିରୁ ଗୋଟିଏ କ୍ଲାଇମେକ୍ସରେ ସଲମାନ ଡବଲ ରୋଲରେ ଅଭିନୟ କରିଛନ୍ତି। ତେବେ ପ୍ରଯୋଜନା ସଂସ୍ଥା ପକ୍ଷରୁ ଏହାକୁ ଗୁପ୍ତ ରଖାଯାଇଛି। ଏହା ପୂର୍ବରୁ ସେ ଜୁଡ଼ୱା, ପ୍ରେମ ରତନ ଧନପାୟୋ ଭଳି ଚଳଚ୍ଚିତ୍ରରେ ଡବଲ ରୋଲରେ ନଜର ଆସିଥିଲେ। ଆସନ୍ତା ଇଦ୍ ଅବସରରେ ଜୁନ ୧୫ରେ ‘ରେସ-୩’ ମୁକ୍ତିଲାଭ କରିବ।
