ନୂଆଦିଲ୍ଲୀ: ବହୁ ପ୍ରତୀକ୍ଷିତ ଦକ୍ଷିଣ ଭାରତୀୟ ଫିଲ୍ମ ପୁଷ୍ପା-୨ର ଟିଜର ରିଲିଜ ହୋଇସାରିଛି। ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଆଜି ଜନ୍ମଦିନ ଅବସରରେ ଫିଲ୍ମର ଟିଜର ରିଲିଜ କରାଯାଇଛି। ଏହି ଟିଜରରେ ଅଲ୍ଲୁ ଅର୍ଜୁନଙ୍କୁ ଭିନ୍ନ ଲୁକରେ ଦେଖିବାକୁ ମିଳୁଛି। ମୁହଁରେ ବିଭିନ୍ନ ରଙ୍ଗ, ଆଖିରେ କଳା, ମଥାରେ ଚନ୍ଦନ, ଶାଢି ପିନ୍ଧିବା ସହ ବେକରେ ଲେମ୍ବୁ ମାଳ ପକାଇ ଫାଇଟ୍ କରୁଥିବା ଦେଖିବାକୁ ମିଳିଛି। ହାତରେ ତ୍ରିଶୁଳ ଧରି ଅନେକ ଲୋକଙ୍କ ଗହଣରେ ପୁଷ୍ପା ସର୍ବ ସମ୍ମୁଖରେ ନଜର ଆସିବା ସହ ଭିନ୍ନ ଷ୍ଟାଇଲରେ ଫାଇଟ କରୁଛନ୍ତି। ଅଲ୍ଲୁଙ୍କ ଏହି ଦମଦାର ଲୁକ ଫ୍ୟାନ୍ସ ମାନଙ୍କୁ ବେଶ ଭଲ ଲାଗିଛି।
ଆସନ୍ତା ଅଗଷ୍ଟ ୧୫ତାରିଖରେ ପୁଷ୍ପା-୨ ଫିଲ୍ମ ପ୍ରେକ୍ଷାଳୟରେ ରିଲିଜ ହେବ। ଏଥିପାଇଁ ଦର୍ଶକମାନେ ଚାତକ ଭଳି ଚାହିଁ ରହିଛନ୍ତି। ୨୦୨୧ ଡିସେମ୍ବରରେ ରିଲିଜ ହୋଇଥିବା ପୁଷ୍ମା ଫିଲ୍ମକୁ ଦର୍ଶକ ମାନେ ବେଶ ପସନ୍ଦ କରିଥିଲେ। ଖାସକରି ଅଲ୍ଲୁ ଅର୍ଜୁନଙ୍କ ଅଭିନୟ ଦର୍ଶକଙ୍କୁ ମତୁଆଲା କରିଥିଲା। ସେତେବେଳେ ସମସ୍ତଙ୍କ ମୁହଁରେ ଥିଲା ପୁଷ୍ପା ଝୁକେଗା ନେହଁ।
ଆଜି ଜନ୍ମଦିନ ଅବସରରେ ଅଲ୍ଲୁ ଅଜୁର୍ନଙ୍କ ପାଖକୁ ଛୁଟିଛି ଶୁଭେଚ୍ଛାର ସୁଅ। ଏକ୍ସରେ ପୋଷ୍ଟ କରି ଅଲ୍ଲୁ ସମସ୍ତଙ୍କୁ ସଭିଁଙ୍କୁ ଧନ୍ୟବାଦ ଜଣାଇଛନ୍ତି। ଜନ୍ମଦିନରେ ପୁଷ୍ପା-୨ ଟିଜର ରିଲିଜ ହୋଇଥିବାରୁ ସମସ୍ତେ ଏହାକୁ ଦେଖିବା ପାଇଁ ସେ କହିଛନ୍ତି।
I thank each and everyone of you for the birthday wishes! My heart is full of gratitude. Please take this teaser as my way of saying thank you! https://t.co/fZQDGYNlWb#Pushpa2TheRule
— Allu Arjun (@alluarjun) April 8, 2024
