ପୁରୀ : କରୋନା ୨ୟ ତରଙ୍ଗ ବୃଦ୍ଧି ପରେ ସମସ୍ତ ଧାର୍ମିକ ଅନୁଷ୍ଠାନ ସହ ପୁରୀ ଶ୍ରୀମନ୍ଦିର ମଧ୍ୟ ଶ୍ରଦ୍ଧାଳୁଙ୍କ ପାଇଁ ବନ୍ଦ ହୋଇଥିଲା । ଦୀର୍ଘଦିନର ଅପେକ୍ଷା ପରେ ଆଜି ଜଗତରନାଥ ଜଗନ୍ନାଥଙ୍କୁ ଦର୍ଶନର ସୁଯୋଗ ମିଳିଛି । ଆଜି ଓ ଆସନ୍ତାକାଲି ସେବାୟତଙ୍କ ପରିବାର ଶ୍ରୀଜିଉଙ୍କୁ ଦର୍ଶନ କରିବେ । ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ମନ୍ଦିର ଖୋଲା ରହିବ । ମନ୍ଦିରରେ ପ୍ରବେଶ ପୂର୍ବରୁ ସେମାନେ ସ୍ୱାସ୍ଥ୍ୟକାର୍ଡ ଓ ଆଧାରକାର୍ଡ ଦେଖାଇବେ । ସେବାୟତଙ୍କ ସାଥିରେ ଅନ୍ୟ କୌଣସି ଲୋକଙ୍କୁ ଯିବା ପାଇଁ ଅନୁମତି ନାହିଁ । ସମସ୍ତ ଶନିବାର ଓ ରବିବାର ମନ୍ଦିର ବନ୍ଦ ରହିବ ।
ଆସନ୍ତା ୧୬ ରୁ ୨୦ ଯାଏଁ ପୌରାଞ୍ଚଳର ଲୋଙ୍କମାନଙ୍କୁ ଦର୍ଶନ ଲାଗି ଅନୁମତି ମିଳିବ । ଏହାସହ ଆସନ୍ତା ୨୩ ତାରିଖରୁ ସମସ୍ତ ଶ୍ରଦ୍ଧାଳୁଙ୍କୁ ମହାପ୍ରଭୁଙ୍କ ଦର୍ଶନ ପାଇଁ ଅନୁମତି ମିଳିବ । ଶ୍ରଦ୍ଧାଳୁ ୨ ପାନ ଟିକା କିମ୍ବା ଆରଟିପିସିଆର ନେଗେଟିଭ ରିପୋର୍ଟ ଦେଖାଇବା ବାଧ୍ୟତାମୂଳକ । ଫଟୋ ପରିଚୟ ମଧ୍ୟ ଦେଖାଇବେ । ସଭିଏଁ ସିଂହଦ୍ୱାର ଦେଇ ପ୍ରବେଶ ଓ ଉତ୍ତରଦ୍ୱାର ଦେଇ ବାହାରିବେ । ଏହାସହ ପ୍ରମୁଖ ପର୍ବପର୍ବାଣିରେ ଶ୍ରୀମନ୍ଦିର ବନ୍ଦ ରହିବ । ସମସ୍ତ ଭକ୍ତ ତୁଣ୍ଡି ପିନ୍ଧିବା ସହ ସାନିଟାଇଜର ବ୍ୟବହାରେ କରିବେ । ମନ୍ଦିର ଭିତରକୁ ଫୁଲ ଓ ଭୋଗ ନେଇପାରିବେ ନାହିଁ ।
ଆଜି ଠାରୁ ସେବାୟତଙ୍କ ପରିବାରଙ୍କ ଶ୍ରୀଜିଉଙ୍କ ଦର୍ଶନ
Popular Categories
Previous article
Next article