ପୁରୀ: ନାବାଳିକା ଝିଅକୁ ବାପାର ବାରମ୍ବାର ଦୁଷ୍କର୍ମ ଅଭିଯୋଗ ହୋଇଛି। ଏ ସମ୍ପର୍କରେ ସେ ମାଆକୁ ଜଣାଇବା ପରେ ମାଆ ମଧ୍ୟ ଏଥିରୁ ନିବୃତ ରହିବାକୁ ଅଭିଯୁକ୍ତକୁ ତାଗିଦ କରିଥିଲେ। କିନ୍ତୁ ସୈତାନ ବାପାର ଅତ୍ୟାଚାର କମିନଥିଲା। ଶେଷରେ ନାବାଳିକା ଝିଅଟି ଆତ୍ମହତ୍ୟା କରିଥିବାର ଅଭିଯୋଗ ହୋଇଛି। ପୁରୀ ଜିଲ୍ଲା କୋଣାର୍କ ଅଞ୍ଚଳରେ ଏଭଳି କିଛି ଲଜ୍ଜାଜନକ ଘଟଣା ଦେଖିବାକୁ ମିଳିଛି। ଶନିବାର ରାତିରେ ଝିଅଟି ଘରେ ଆତ୍ମହତ୍ୟା କରିଥିଲା। ଜାଣିବା ପରେ ମାଆ ତୁରନ୍ତ ଗୋପ ମେଡିକାଲକୁ ନେଇଥିଲେ । କିନ୍ତୁ ସେଠାରେ ଡାକ୍ତର ଝିଅକୁ ମୃତ ଘୋଷଣା କରିବା ସହ ଏସମ୍ପର୍କରେ ଥାନାକୁ ଜଣାଇଥିଲେ। ସ୍ବାମୀ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ମାଆ ଦାବି କରିଛନ୍ତି । ଅଭିଯୁକ୍ତ ଫେରାର ରହିଛି। ସେପଟେ ପୁଲିସ କହିଛି ପରିବାର ତରଫରୁ ବିଧିବଦ୍ଧ ଭାବରେ ଅଭିଯୋଗ ହୋଇନାହିଁ। ନିଜ ଆଡୁ ମାମଲା ରୁଜ୍ଜୁ କରି ତଦନ୍ତ କରାଯାଉଛି। ସାଇଣ୍ଟିଫିକ୍ ଘଟଣାସ୍ଥଳକୁ ତଦନ୍ତ କରୁଛି। ଝିଅର ଏକ ସୁଇସାଇଡ୍ ନୋଟ୍ ଜବତ ହୋଇଥିବାର ସୂଚନା ମିଳିଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୁଲିସ୍ କହିଛି।
Popular Categories
Previous article
Next article