ଆଉ ୫ଦିନିଆ ରିମାଣ୍ଡରେ ପୁଞ୍ଜିଲାଲ୍‍

ପାଟଣାଗଡ଼: ପାର୍ସଲ୍‍ ବୋମା ବିସ୍ଫୋରଣର ମୁଖ୍ୟ କାର୍‍ପଟ୍‍ଦାର ପୁଞ୍ଜିଲାଲ୍‍ ମେହେରଙ୍କୁ କ୍ରାଇମ୍‍ବ୍ରାଞ୍ଚ ପୁଲିସ ଆଉ ୫ ଦିନ ପାଇଁ ରିମାଣ୍ଡରେ ନେଇଛି। ପ୍ରାଥମିକ ପର୍ଯ୍ୟାୟରେ ତାଙ୍କୁ ୬ ଦିନିଆ ରିମାଣ୍ଡରେ ପୁଲିସ ନେଇଥିବା ବେଳେ ଆଜି ରିମାଣ୍ଡ ଅବଧି ସରିଥିଲା। ତେଣୁ ଅଧିକ ୮ ଦିନ ରିମାଣ୍ଡରେ ନେବା ପାଇଁ ପୁଲିସ ଆଜି ତାଙ୍କୁ ପାଟଣାଗଡ଼ ଏସ୍‍ଡିଜେଏମ୍‍ କୋର୍ଟରେ ହାଜର କରିଥିଲା। କିନ୍ତୁ ୫ ଦିନ ରିମାଣ୍ଡରେ ନେବା ପାଇଁ କୋର୍ଟ ଅନୁମତି ଦେଇଥିଲେ। ଜେରା ବେଳେ ପୁଞ୍ଜିଲାଲ୍‍ ବୟାନ ବଦଳାଉଥିବାରୁ ତାଙ୍କୁ ଧରି ରାୟପୁର ନିଆଯିବ ବୋଲି ସୂଚନା ମିଳିଛି।