ସମାଜ ଡିଜିଟାଲ ଡେସ୍କ: ବୁଧବାର ଭାରତ ବନ୍ଦ ସମୟରେ ବିହାରରୁ ଏକ ଅଭାବନୀୟ ଦୃଶ୍ୟ ସାମ୍ନାକୁ ଆସିଛି। ପିଲାଙ୍କୁ ନେଇ ସ୍କୁଲ ଯାଉଥିବା ଏକ ବସରେ ନିଆଁ ଲଗାଇ ଦେଇଛନ୍ତି ବିକ୍ଷୋଭକାରୀ। ତେବେ ବସଟି ଜଳିବା ପୂର୍ବରୁ ନିଆଁକୁ ଲିଭାଇ ଦିଆଯାଇଥିଲା।
ବୁଧବାର ଦେଶବ୍ୟାପୀ ଭାରତ ବନ୍ଦ ପାଳନ କରାଯାଇଥିଲା। ବିହାରରେ ବି ରାସ୍ତାଘାଟରେ ଗାଡ଼ିମୋଟର ବନ୍ଦ କରାଯାଉଥିଲା। ଗୋପାଳଗଞ୍ଜ ଅଞ୍ଚଳରେ ଏକ ସ୍କୁଲ ବସ ଯାଉଥିବାବେଳେ ବିକ୍ଷୋଭକାରୀମାନେ ତାହାକୁ ଘେରି ଯାଇ ଭଙ୍ଗାରୁଜା କରିବାକୁ ଉଦ୍ୟମ କରିଥିଲେ। ପିଲାମାନେ ବସ ଭିତରେ ଥିବା ସମୟରେ କିଛି ବିକ୍ଷୋଭକାରୀ ବସ ଟାୟାରରେ ନିଆଁ ଲଗାଇ ଦେଇଥିଲେ। ପରେ ଆଉ କିଛି ଲୋକ ତାହାକୁ ଲିଭାଇବା ସହିତ ବସକୁ ଛାଡ଼ିଥିଲେ। ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଥିବାବେଳେ ଏହାକୁ ବିଭିନ୍ନ ମହଲରେ ନାପସନ୍ଦ କରାଯାଇଛି।
