ମୁଖ୍ୟମନ୍ତ୍ରୀଙ୍କୁ ୩ଟି ଗିଫ୍ଟ ଦିଅନ୍ତୁ ପ୍ରଧାନମନ୍ତ୍ରୀ; ଜାଣନ୍ତୁ କେଉଁ ଗିଫ୍ଟ କଥା କହିଲେ କାର୍ତ୍ତିକ ପାଣ୍ଡିଆନ୍
ମାହାଙ୍ଗା: ଓଡ଼ିଶାକୁ ପ୍ରଚାର କରିବାକୁ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜେଡି ସରକାର ଉପରେ ବର୍ଷିବା ପରେ ଜବାବ ରଖିଛନ୍ତି ବିଜେଡି ନେତା ତଥା ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍। ସିଧାସଳଖ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିବା ପରେ ମାହାଙ୍ଗାରେ ଏହାର ଜବାବ ଦେଇ ପାଣ୍ଡିଆନ କହିଛନ୍ତି ଓଡ଼ିଶାରେ ନବୀନ ବାବୁଙ୍କ ସରକାର ସ୍ଲୋ ବୋଲି ପ୍ରଧାନମନ୍ତ୍ରୀ କହୁଛନ୍ତି। ହେଲେ ସମ୍ବଲପୁର-କଟକ ଏନଏଚ-୫୫ ରାସ୍ତା କାମ ୮ବର୍ଷ ହେଲାଣି ଚାଲୁଛି। ପ୍ରତିଦିନ କେତେ ଲୋକ ମୃତ୍ୟୁବରଣ କରୁଛନ୍ତି। ଏହା କଣ ସ୍ପିଡ୍ କାମ। କୋଷ୍ଟାଲ ହାଇୱେ କାମ କରିବେ କହିକି ୧୦ବର୍ଷ ହେଲାଣି ଗୋଟିଏ ବି ଇଟା ପକାଇ ନାହାଁନ୍ତି କେନ୍ଦ୍ର ସରକାର। ତା ସହିତ ସବୁ ରାଜ୍ୟରେ କ୍ୟାପିଟାଲ ରିଙ୍ଗ ରୋଡ୍ କରୁଛନ୍ତି। ଭୁବନେଶ୍ୱରରେ କ୍ୟାପିଟାଲ ରିଙ୍ଗ ରୋଡ କାମ ପାଇଁ ଗୋଟିଏ ବି ଇଟା ପକାଇନାହାଁନ୍ତି ବୋଲି ପାଣ୍ଡିଆନ୍ କହିଛନ୍ତି।
ଅନ୍ୟପଟେ ପ୍ରଧାନମନ୍ତ୍ରୀ ଯଦି ପାରୁଛନ୍ତି ନବୀନ ବାବୁଙ୍କୁ ଶପଥ ନେବା ଦିନ ୩ଟି ଗିଫ୍ଟ ଦିଅନ୍ତୁ। ପ୍ରଥମରେ ଚାଷୀଙ୍କୁ ପ୍ରତିଶ୍ରୁତି ମୁତାବକ ୩୧୦୦ ଟଙ୍କା ଏମଏସପି ଦିଅନ୍ତୁ, ଦ୍ୱିତୀୟରେ କୋଇଲା ରୟାଲଟି ଡବଲ ଏବଂ ତୃତୀୟରେ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ପ୍ରଦାନ କରନ୍ତୁ। ଏଭଳି କହି ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି କାର୍ତ୍ତିକ ପାଣ୍ଡିଆନ୍।
Comments are closed.