ପାତ୍ରପୁର: ଗଞ୍ଜାମ ଜିଲ୍ଲାର ଖ୍ୟାତନାମା ପ୍ରହଲ୍ଲାଦ ନାଟକ ଗୁରୁ ଖଲି ବେହେରାଙ୍କ ପରଲୋକ ପରେ ରାଜା ବେଶରେ ସଜାଇ ଶ୍ମଶାନକୁ ନେଇ ସତ୍କାର କରାଯାଛି। ପାତ୍ରପୁର ବ୍ଳକ ଖରଣୀପଡ଼ା ଗ୍ରାମର ପ୍ରହ୍ଲାଦ ନାଟକ ଗୁରୁ ଖଲି ବେହେରାଙ୍କ ୭୫ ବର୍ଷ ବୟସରେ ପରଲୋକ ଘଟିଥିଲା। ମୃତ୍ୟୁ ଖବର ପ୍ରଚାରିତ ପରେ ଅଞ୍ଚଳର ବହୁ ଲୋକ ଶେଷ ଦର୍ଶନ ପାଇଁ ପହଁଚି ଥିଲେ। ରାଜା ବେଶରେ ସଜାଇ ତାଙ୍କୁ ପଟୁଆରରେ ଗ୍ରାମ ସ୍ମଶାନକୁ ନେଇ ସତ୍କାର କରାଯାଇ ଥିଲା। ଓଡ଼ିଶାର ସୁନାମଧନ୍ୟ ପ୍ରହଲ୍ଲାଦ ନାଟକ ରେ ଲୀଳାବତୀ ଭାବେ କିଛି ବର୍ଷ ଅଭିନୟ କରିବା ପରେ ହିରଣ୍ୟ (ରାଜା ) ଅଭିନୟ କରୁଥିଲେ। ପରବର୍ତ୍ତୀ ସମୟରେ ନିର୍ଦ୍ଦେଶକ ଭାବେ ତଲାସି ଙ୍ଗୀ, ବାହାଡ଼ାଗୁଡା, ଚିକରଡା ସମେତ ଗଞ୍ଜାମ ଜିଲ୍ଲାର ବିଭିନ୍ନ ଗ୍ରାମରେ ପ୍ରହଲ୍ଲାଦ ନାଟକରେ ନିର୍ଦ୍ଦେଶନା ଦେଇଥିଲେ। ତାଙ୍କ ବିୟୋଗରେ ବିଭିନ୍ନ ମହଲରେ ଶୋକ ପ୍ରକାଶ ପାଇଛି। ଦୀର୍ଘଦିନ ଧରି ସେ ମଧୁମେହ ରୋଗରେ ପୀଡିତ ଥିବାବେଳେ ଖରଣିପଡା ସ୍ଥିତ ପୈତୃକ ବାସଭବନରେ ଆଜି ସକାଳେ ତାଙ୍କର ପରଲୋକ ଘଟିଥିଲା।
Comments are closed.