ନୂଆଦିଲ୍ଲୀ: କେନ୍ଦ୍ର ଗୃହ ନିର୍ମାଣ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ୬ଟି ରାଜ୍ୟରେ ୨ ଲକ୍ଷ ୪୨ ହଜାର ବାସଗୃହ ନିର୍ମାଣକୁ ଅନୁମୋଦନ ପ୍ରଦାନ କରିଛି। ସେହି ରାଜ୍ୟଗୁଡ଼ିକ ମଧ୍ୟରେ ଆନ୍ଧ୍ରପ୍ରଦେଶ, ଗୁଜରାଟ, ମହାରାଷ୍ଟ୍ର, ତ୍ରିପୁରା, ତାମିଲନାଡୁ ଓ ପଶ୍ଚିମବଙ୍ଗ ରହିଛି। ଆଜି ନୂଆଦିଲ୍ଲୀରେ ଅନୁଷ୍ଠିତ କେନ୍ଦ୍ରୀୟ ମଞ୍ଜୁରୀ ଓ ତଦାରଖ କମିଟିର ୬୦ତମ ବୈଠକରେ ଏହି ମଞ୍ଜୁରୀ ମିଳିଛି। ଏହାକୁ ମିଶାଇ ଏହି ମିଶନ ଅଧୀନରେ ମଞ୍ଜୁରୀ ମିଳିଥିବା ବାସଗୃହ ସଂଖ୍ୟା ୧ କୋଟି ୧୭ ଲକ୍ଷ ଅତିକ୍ରମ କରିଛି। ସେଥି ମଧ୍ୟରୁ ୯୫ ଲକ୍ଷ ବାସଗୃହର ନିର୍ମାଣ କାର୍ଯ୍ୟ ଚାଲିଛି।
ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ, ୫୬ ଲକ୍ଷ ବାସଗୃହର ନିର୍ମାଣ କାର୍ଯ୍ୟ ସଂପୂର୍ଣ୍ଣ ହୋଇ ହିତାଧିକାରୀମାନଙ୍କୁ ହସ୍ତାନ୍ତର କରାଯାଇଛି। ଏହି ମିଶନ ଅଧୀନରେ ୭ ଲକ୍ଷ ୭୦ ହଜାର କୋଟି ଟଙ୍କାର ପୁଞ୍ଜି ନିବେଶ ହୋଇଛି।
