ପ୍ରକାଶ ପାଇଲା ସିବିଏସଇ ପରୀକ୍ଷାଫଳ: ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷାରେ ପ୍ରଭୁଜୀ ଇଂରାଜୀ ମାଧ୍ୟମ ବିଦ୍ୟାଳୟକୁ ମିଳିଲା ଶତ ପ୍ରତିଶତ ସଫଳତା

ଭୁବନେଶ୍ବର: ଭିଏସଏସନଗରସ୍ଥିତ ପ୍ରଭୁଜୀ ଇଂରାଜୀ ମାଧ୍ୟମ ବିଦ୍ୟାଳୟର ଛାତ୍ରଛାତ୍ରୀମାନେ ସିବିଏସଇର ଦଶମ ଏବଂ ଦ୍ୱାଦଶ ଶ୍ରେଣୀ ପରୀକ୍ଷାରେ ଶତ ପ୍ରତିଶତ ସଫଳତା ହାସଲ କରିଛନ୍ତି। ଦଶମ ଶ୍ରେଣୀ ପରୀକ୍ଷାରେ ଯୁଗ୍ମ ଭାବେ ଶୁଭଶ୍ରୀ ବଳିୟାରସିଂ ଓ ଅର୍ପିତା ଜେନା୯୮.୨% ନମ୍ବର ରଖି ବିଦ୍ୟାଳୟରେ ପ୍ରଥମ ହୋଇ ଥିଲାବେଳେ ଯୁଗ୍ମ ଭାବେ ସୁରଜ ସାମଲ ଏବଂ ଶ୍ରେୟାଶ ପ୍ରଧାନ ୯୭.୮ % ନମ୍ବର ରଖି ଦ୍ବିତୀୟ ସ୍ଥାନ ଅଧିକାର କରିଛନ୍ତି।

ସେହିପରି ଦ୍ୱାଦଶ ଶ୍ରେଣୀ ବିଜ୍ଞାନ ବିଭାଗରେ ଯୁଗ୍ମ ଭାବେ ଆଦ୍ୟାଶ ଓ ପଟ୍ଟନାୟକ ଏବଂ ତନ୍ମୟୀ ତନୁସ୍ମିତା୯୬.୨% ନମ୍ବର ରଖି ବିଦ୍ୟାଳୟରେ ପ୍ରଥମ ହୋଇଥିଲାବେଳେ ସଂକେତ ପାଣିଗ୍ରାହୀ୯୫.୨% ଏବଂ ବିଶ୍ବଜିତ ପଣ୍ଡା୯୪% ରଖି ଯଥାକ୍ରମେ ଦ୍ବିତୀୟ ଏବଂ ତୃତୀୟ ସ୍ଥାନ ଅଧିକାର କରିଛନ୍ତି। ସେହିପରି ସ୍ୱସ୍ତିକ ପାଢ଼ୀ୯୨% ନମ୍ବର ରଖି ବାଣିଜ୍ୟରେ ପ୍ରଥମ ହୋଇଥିଲାବେଳେ ଏନ. ବିଦ୍ୟାଶ୍ରୀ ୯୧.୩୩% ନମ୍ବର ରଖି କଳା ବିଭାଗରେ ପ୍ରଥମ ସ୍ଥାନ ଅଧିକାର କରିଛନ୍ତି। ଛାତ୍ରଛାତ୍ରୀମାନଙ୍କ ଏହି ସଫଳତାରେ ବିଦ୍ୟଳୟର ସଭାପତି ସ୍ୱାମୀ ଶଙ୍କରାନନ୍ଦ ଗିରି,ସମ୍ପାଦିକା ଡା. ବୀଣାପାଣି ରଥ, ଅଧ୍ୟକ୍ଷ ଅଭୟ କୁମାର ରଥ ଓ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀମାନେ ଖୁସିବ୍ୟକ୍ତ କରିବା ସହ ପିଲାମାନଙ୍କୁ ଅଭିନନ୍ଦନ ଜଣାଇଛନ୍ତି।