ପାଟଣା : ପାଟଣା ବ୍ଲକ ଅନ୍ତର୍ଗତ ଏରେଣ୍ଡେଇ ପଞ୍ଚାୟତ କାର୍ଯ୍ୟାଳୟ ଠାରେ ବାଡ଼ି ଅଗଣାରେ କୁକୁଡ଼ା ପାଳନ ସମ୍ପର୍କରେ ଏକ ଦିବସୀୟ ତାଲିମ ଶିବିର ଅନୁଷ୍ଠିତ ହୋଇ ଯାଇଛି। କାର୍ଯ୍ୟକ୍ରମରେ ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ବିଜୟ କୁମାର ସେଠୀ ମୁଖ୍ୟ ପ୍ରଶିକ୍ଷକ ଭାବେ ଯୋଗ ଦେଇ ଥିଲେ। ମିଶନଶକ୍ତି ବ୍ଲକ ପ୍ରକଳ୍ପ ପକ୍ଷରୁ ପରିଚାଳକ ମନୋରଞ୍ଜନ ମହାପାତ୍ର, ଏରେଣ୍ଡେଇ ସରପଞ୍ଚ ପାର୍ବତୀ ଦେହୁରୀ ଓ ଅଞ୍ଚଳର ୫୦ ଜଣ କୁକୁଡ଼ା ଚାଷୀ ଶିବିରରେ ଯୋଗ ଦେଇଥିଲେ। ବାଡ଼ି ଅଗଣାରେ ଉନ୍ନତ ଲାଭଜନକ କୁକୁଡ଼ା ପାଳନ ସମ୍ପର୍କରେ ଚାଷୀ ମାନଙ୍କୁ ତାଲିମ ଦିଆଯାଇଥିଲା। ମିଶନଶକ୍ତିର ରାଜୁ ମହାନ୍ତ ପଞ୍ଚାୟତ ସ୍ତରୀୟ ସଙ୍ଘର ସଭାପତି ଏମବିକେ ଏବଂ ସିଆରପିମାନେ କାର୍ଯ୍ୟକ୍ରମରେ ସାମିଲ ଥିଲେ।
Comments are closed.