କେନ୍ଦୁଝରଗଡ଼: ପଞ୍ଜାବ ନ୍ୟାସନାଲ ବ୍ୟାଙ୍କ କେନ୍ଦୁଝର ଶାଖା ପକ୍ଷରୁ ବୁଧବାର ୧୨୯ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। କେନ୍ଦୁଝର ଶାଖା ମୁଖ୍ୟ ପରିଚାଳକ ଚତୁର୍ଭୁଜ ଜେନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମାଧପୁରସ୍ଥିତ ମୁଖ୍ୟ ଶାଖାରୁ ଏକ ସଚେତନତା ଶୋଭାଯାତ୍ରା ସହର ପରିକ୍ରମା କରିଥିଲା। ଏହି ଅବସରରେ ମଙ୍ଗଳବାର ସନ୍ଧ୍ୟାରେ ବ୍ୟାଙ୍କ ପରିସରରେ ଗ୍ରାହକଙ୍କୁ ନେଇ ଏକ ସଚେତନତା ସଭା ଆୟୋଜନ କରାଯାଇ ବ୍ୟାଙ୍କ ପକ୍ଷରୁ ଗ୍ରାହକଙ୍କୁ ଯୋଗାଇ ଦିଆଯାଉଥିବା ବିଭିନ୍ନ ବ୍ୟାଙ୍କିଂ ସେବା ସମ୍ପର୍କରେ ଅବଗତ କରାଯାଇଥିଲା। ଏଥିସହ ଡିଜିଟାଲ ବ୍ୟାଙ୍କିଂ ସେବାର ଫାଇଦା ନେବାକୁ ଗ୍ରାହକମାନଙ୍କୁ ଅବଗତ କରାଯାଇଥିଲା। ମୁଖ୍ୟ ଶାଖାର ବରିଷ୍ଠ ପରିଚାଳକ ଅର୍ଣ୍ଣବ ବୈଷ୍ଣବଙ୍କ ସମେତ ବରିଷ୍ଠ ପରିଚାଳକ ସୁବୋଧ କୁମାର ରାଉତ, ପରିଚାଳକ ସତୀଶ କୁମାର ରାଠୋର, ଅଧିକାରୀ ଶରତ କୁମାର ଦାଶ, ପ୍ରଦୀପ କୁମାର ସାହୁ ପ୍ରମୁଖ ବ୍ୟାଙ୍କର ଗ୍ରାହକ ଓ ସହରର ବରିଷ୍ଠ ନାଗରିକଙ୍କୁ ନେଇ ମୁଖ୍ୟ କାର୍ଯ୍ୟାଳୟରେ ଏକ ନିରାଡମ୍ବର ଉତ୍ସବ ଆୟୋଜନ କରାଯାଇଥିଲା।
Comments are closed.