ଦେଶ ଯବାନମାନଙ୍କ ହାତରେ ନିରାପଦ ଅଛି – ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଦେଶଠାରୁ ବଳି ଆଉ କିଛି ଅଧିକ ଗୁରୁତ୍ୱପୂର୍ଣ୍ଣ ନୁହେଁ ଏବଂ ଦେଶ ଯବାନମାନଙ୍କ ହାତରେ ନିରାପଦରେ ଅଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ରାଜସ୍ଥାନର ଚୁରୁଠାରେ ଏକ ସାଧାରଣ ସଭାରେ ଉଦ୍‍ବୋଧନ ଦେଇ ଶ୍ରୀ ମୋଦୀ କହିଛନ୍ତି, ବିଶ୍ୱ ଏକ ସ୍ଥିର ସରକାରର ଶକ୍ତି ଦେଖୁଛି। ଶ୍ରୀ ମୋଦୀ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ବିଷୟ ଉଲ୍ଲେଖ କରି କହିଛନ୍ତି, ଭାରତ ଏକ ନୂଆ ଗତିରେ ବିକାଶ ଆଡ଼କୁ ଅଗ୍ରସର ହେଉଛି। ସେ କହିଛନ୍ତି, ଚାରି ବର୍ଷ ଭିତରେ ଦେଢ଼ କୋଟି ବାସଗୃହ ନିର୍ମାଣ କରାଯାଇଛି ଓ ୫୦ଲକ୍ଷ ଲୋକ ପ୍ରଧାନମନ୍ତ୍ରୀ କିଷାନ ସମ୍ମାନନିଧି ଯୋଜନା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ଗୃହ ଋଣ ଉପରେ ସୁଧହାର କମ କରାଯାଇଥିବା ସେ କହିଛନ୍ତି।