ନୂଆଦିଲ୍ଲୀ : ସକାଳ ସାଢେ ୯ଟା ଭିତରେ କାର୍ଯ୍ୟାଳୟରେ ପହଞ୍ଚିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ମନ୍ତ୍ରିମଣ୍ଡଳର ସମସ୍ତ ମନ୍ତ୍ରୀଙ୍କୁ କହିଛନ୍ତି। ଏହାସହ ଘରେ ଅଧିକାରୀଙ୍କୁ ଡାକି କୌଣସି ବୈଠକ ଓ ଅନ୍ୟାନ୍ୟ କାର୍ଯ୍ୟ ନକରିବାକୁ ମୋଦୀ ନିଜ ମନ୍ତ୍ରୀଙ୍କୁ ପରାମର୍ଶ ଦେଇଛନ୍ତି। ମୋଦୀ ନିଜ ସହଯୋଗୀଙ୍କୁ କହିଛନ୍ତି ଯେ ୪୦ ଦିନର ସଂସଦ ଅଧିବେଶନ ସମୟରେ ବାହାରକୁ ଗସ୍ତ କରନ୍ତୁ ନାହିଁ। ଏଥିପାଇଁ ମୋଦୀ ଗୁଜୁରାଟରେ ସେ ମୁଖ୍ୟମନ୍ତ୍ରୀ ଥିବା ସମୟର ଉଦାହରଣ ଦେଇଥିଲେ। ମୋଦୀ କହିଥିଲେ ଯେ ସେ ଅଧିକାରୀଙ୍କ ସହ ସମୟରେ କାର୍ଯ୍ୟାଳୟରେ ପହଞ୍ଚୁଥିଲେ। ଏହାଦ୍ୱାରା ତାଙ୍କୁ ଦିନ ଯାକଁର କାର୍ଯ୍ୟ ନିର୍ଦ୍ଧାରଣ କରିବାକୁ ସହଜ ହେଉଥିଲା।
ପ୍ରଧାନମନ୍ତ୍ରୀ ଭାବେ ଦ୍ୱିତୀୟ ଥର ଶପଥ ଗ୍ରହଣ କରିବା ପରେ ମୋଦୀ ବୁଧବାର କ୍ୟାବିନେଟ ବୈଠକ କରିଥିଲେ। ନିର୍ବାଚିତ ସାଂସଦଙ୍କୁ ସାକ୍ଷତ କରିବା ପାଇଁ ସମୟ ବାହାର କରିବାକୁ ସେ ମନ୍ତ୍ରୀଙ୍କୁ କହିଛନ୍ତି। ଅଧିକାରୀଙ୍କ ସହ ନିୟମିତ ବିକାଶ କାର୍ଯ୍ୟକୁ ନେଇ ଚର୍ଚ୍ଚା କରିବାକୁ ସେ ମନ୍ତ୍ରୀମାନଙ୍କୁ ପରାମର୍ଶ ଦେଇଛନ୍ତି।
ମନ୍ତ୍ରୀଙ୍କୁ ମୋଦୀଙ୍କ ନିର୍ଦେଶ; ସକାଳ ସାଢେ ୯ଟାରେ କାର୍ଯ୍ୟାଳୟରେ ପହଞ୍ଚ, ଘରୁ କାମ ସାର
Popular Categories
Previous article
Next article