ନୂଆଦିଲ୍ଲୀ: ଦେଶକୁ ଆତ୍ମନିର୍ଭର କରିବା ନିମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଘୋଷଣା କରିଛନ୍ତି ଏକ ନୂଆ ଯୋଜନା ‘ଆତ୍ମନିର୍ଭର ଭାରତ ଅଭିଯାନ’ । ଏହି ଯୋଜନାରେ ଭାରତର ସମସ୍ତ କ୍ଷେତ୍ରକୁ ଆତ୍ମନିର୍ଭରଶୀଳ କରାଯିବାକୁ ଲକ୍ଷ୍ୟ ରଖାଯାଇଛି । କୃଷି କ୍ଷେତ୍ରରୁ ଆରମ୍ଭ କରି ଅଣୁ-କ୍ଷୁଦ୍ର-ମଧ୍ୟମ ଶିଳ୍ପ; ମଧ୍ୟମ ବର୍ଗର ବ୍ୟକ୍ତି ବିଶେଷ ସମସ୍ତେ ଏହାଦ୍ବାରା ଲାଭବାନ ହେବେ । ଏହାଫଳରେ ଦେଶକୁ ଶକ୍ତି ମିଳିବ ଓ ଆର୍ଥିକ ବ୍ୟବସ୍ଥା ଶକ୍ତିଶାଳୀ ହେବା ସହ ଦେଶ ସ୍ବାବଲମ୍ବୀ ହୋଇପାରିବ । ଭବିଷ୍ୟତରେ କରୋନା ପରି କିଛି ବଡ଼ ବିପଦ ଆସିଲେ ମଧ୍ୟ ଭାରତର ବ୍ୟବସ୍ଥାକୁ ଦୋହଲାଇ ପାରିବ ନାହିଁ ।ପ୍ରଧାନମନ୍ତ୍ରୀଙ୍କ ଏହି ଯୋଜନାକୁ ରୂପାୟନ କରିବା ନିମନ୍ତେ ୨୦ ଲକ୍ଷ କୋଟି ଟଙ୍କାର ପ୍ୟାକେଜ ବ୍ୟବସ୍ଥା କରାଯାଇଛି ।
हाल में सरकार ने कोरोना संकट से जुड़ी जो आर्थिक घोषणाएं की थीं,
जो रिजर्व बैंक के फैसले थे,
और आज जिस आर्थिक पैकेज का ऐलान हो रहा है,
उसे जोड़ दें तो ये
करीब-करीब
20 लाख करोड़ रुपए का है।ये पैकेज भारत की
GDP का
करीब-करीब
10 प्रतिशत है: PM @narendramodi #AatmanirbharBharat— PMO India (@PMOIndia) May 12, 2020
ପ୍ରଧାନମନ୍ତ୍ରୀ କହିଛନ୍ତି ଯେ ଗତ ୬ ବର୍ଷରେ ଦେଶରେ ଯେଉଁ ଆର୍ଥିକ ସଂସ୍କାର ହୋଇଛି ତାହାର ସୁଫଳ ଏବେ ଦେଖିବାକୁ ମିଳିଛି ଏବଂ ଦେଶର ଦୃଢ଼ ଭାବରେ ଠିଆ ହେବାକୁ ସକ୍ଷମ ହୋଇଛି । ଆତ୍ମନିର୍ଭର ଭାରତ ଅଭିଯାନ ଦେଶର ବିକାଶ ଯାତ୍ରାକୁ ଏକ ନୂଆ ଗତି ଦେବ । ଆତ୍ମ ନିର୍ଭର ଭାରତକୁ ଏହି ପ୍ୟାକେଜରେ ଭୂମି, ଶ୍ରମିକ ଓ ଆଇନ କ୍ଷେତ୍ରରେ ସମସ୍ତଙ୍କୁ ସହଯୋଗ କରିବ ।ଏହି ପ୍ୟାକେଜରେ ବହୁତ କିଛି ବ୍ୟବସ୍ଥା ରହିଛି ଓ ଆଗାମୀ କିଛି ଦିନରେ ଅର୍ଥମନ୍ତ୍ରୀଙ୍କ ଦ୍ୱାରା ସମସ୍ତ ତଥ୍ୟ ପ୍ରଦାନ କରାଯିବ ।
ଅନ୍ୟପକ୍ଷରେ ଦେଶକୁ ସ୍ବାବଲମ୍ବୀ କରିବା ନିମନ୍ତେ ‘ଆତ୍ମନିର୍ଭର ଭାରତ ଅଭିଯାନ’ ନାମରେ ଏକ କାର୍ଯ୍ୟକ୍ରମ ହାତକୁ ନିଆଯାଇଛି ଏବଂ ଏଥିରେ ପୂର୍ବର ପ୍ୟାକେଜକୁ ମିଶାଇ ମୋଟ ୨୦ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ବ୍ୟବସ୍ଥା କରାଯାଉଛି । ଭାରତୀୟ ରିଜର୍ଭ ବ୍ୟାଙ୍କ ସହ ଆଲୋଚନା କରାଯାଇ ଏହି ନିଷ୍ପତ୍ତି ନିଆଯାଇଛି ଏବଂ ଏହାଫଳରେ ଦେଶର ଅର୍ଥନୈତିକ ଗତି ଦୃତତର ହେବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି । ପ୍ରଧାନମନ୍ତ୍ରୀଙ୍କ ସୂଚନା ଅନୁସାରେ ଏହି ଅର୍ଥନୈତିକ ପ୍ୟାକେଜ ଦେଶର ମୋଟ ଅଭିବୃଦ୍ଧି ହାରର ୧୦% ଏବଂ ଏହାଦ୍ବାରା କୁଟୀର ଶିଳ୍ପ, କ୍ଷୁଦ୍ର ଓ ମଧ୍ୟମ ଶିଳ୍ପ ଲାଭବାନ ହେବ । ଏହି ପ୍ୟାକେଜରେ କୃଷି କ୍ଷେତ୍ରକୁ ଗୁରୁତ୍ବ ଦିଆଯାଇଛି । ଚାଷୀଙ୍କଠାରୁ ଶ୍ରମିକଙ୍କ ପର୍ଯ୍ୟନ୍ତ ସମସ୍ତଙ୍କୁ ଗୁରୁତ୍ବ ଦିଆଯାଇଛି । ୨୦୨୦ ମସିହାରେ ଦେଶର ବିକାଶକୁ ଏହା ଗତିଶୀଳ କରିବ ଓ ଭବିଷ୍ୟତରେ କରୋନା ପରି ଯେତେବଡ଼ କଷ୍ଟକର ସମୟ ଆସିଲେ ବି ତାହା ସହ ଜୁଝିବାକୁ ଦେଶକୁ ବଳଶାଳୀ କରିବ ବୋଲି ପ୍ରଦାନମନ୍ତ୍ରୀ କହିଛନ୍ତି ।
ଏହି ଅବସରରେ ପ୍ରଧାନମନ୍ତ୍ରୀ ଦେଶର ଗରିବ ଲୋକମାନଙ୍କୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ ଦେଶର ଗରିବ ଭାଇ-ଭଉଣୀ ବର୍ତମାନ ସମୟରେ ଯେପରି ସଂଘର୍ଷ କରିଛନ୍ତି ତାହା ପ୍ରଶଂସନୀୟ । ଏହାକୁ ଦୃଷ୍ଟିରେ ରଖି ଗରିବ ଓ ଶ୍ରମିକଙ୍କ ନିମନ୍ତେ ମଧ୍ୟ ଗୁରୁତ୍ବପୂର୍ଣ୍ଣ ଯୋଜନା କରାଯାଇଛି ବୋଲି ସେ କହିଛନ୍ତି ।
