ରେଙ୍ଗାଲିକ୍ୟାମ୍ପ: ଅତାବିରା ମହାବିଦ୍ୟାଳୟର ଛାତ୍ର ସଂସଦ ପକ୍ଷରୁ କଲେଜ ପରିସରରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ସ୍ଥାନୀୟ ବିଧାୟିକା ସ୍ନେହାଙ୍ଗିନୀ ଛୁରିଆ ଯୋଗ ଦେଇ ନିଜେ ଚାରାରୋପଣ କରି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଏହି ଚାରାରୋପଣ କାର୍ଯ୍ୟକ୍ରମରେ ୭୦ଟି ବିଭିନ୍ନ ପ୍ରକାରର ଔଷଧୀୟ ବୃକ୍ଷ ଲଗାଯାଇଥିଲା । ଏହି ଅବସରରେ ବିଧାୟିକା ସ୍ନେହାଙ୍ଗିନୀ ଛୁରିଆ ବୃକ୍ଷର ଉପାଦେୟତା ତଥା ପରିବେଶ ଓ ଉଦ୍ଭିଦ କିପରି ପରସ୍ପର ପରିପୂରକ ତାହା ବୁଝାଇଥିଲେ । ଗୋଟିଏ ବୃକ୍ଷ କୋଟି କୋଟି ମଣିଷର ଜୀବନ ଧାରଣ ପାଇଁ ତାର ଜୀବନସାରା ଅମ୍ଳଜାନ ଯୋଗାଇଥାଏ । ତେଣୁ ସମସ୍ତେ ବୃକ୍ଷ ରୋପଣ କରି ପୁଣି ଥରେ ପ୍ରକୃତି କୋଳରେ ହସ ଖୁସି ଖେଳାଇ ଦେବା ବୋଲି ପ୍ରେରଣା ଦେଇଥିଲେ । ଏହି କାର୍ଯ୍ୟକ୍ରମରେ ଏନଏସି ଅଧ୍ୟକ୍ଷ ବନମାଳୀ ବରିହା, କଲେଜ ଅଧ୍ୟକ୍ଷ ଅଶ୍ଵିନୀ ପ୍ରଧାନ, ସିଦ୍ଧାର୍ଥ ଶଙ୍କର ପଣ୍ଡା, ଗଣେଶ ସାହୁ, ଅବିନାଶ ବାରିକ୍ ,ସଞ୍ଜୀବ ଦାଶ, ଅଧ୍ୟାପକ ସୂର୍ଯ୍ୟ ନାରାୟଣ ବିଶ୍ଵାଳ, ଅସ୍ମିତା ଛୁରିଆ ପ୍ରମୁଖ ସାମିଲ ରହିଥିଲେ ଓ ଚାରା ରୋପଣ କରିଥିଲେ । ଅଧ୍ୟାପକ ପରମାନନ୍ଦ ରଥ ଧନ୍ୟବାଦ ଅର୍ପଣ କରିଥିଲେ । ଶତାଧିକ କଲେଜ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
Comments are closed.