ପିପିଲି : ଭୁବନେଶ୍ୱର-ପୁରୀ ଜାତୀୟ ରାଜପଥର ମଙ୍ଗଳପୁର ନିକଟରେ ଶନିବାର ଏକ ସ୍କର୍ପିଓ ଗାଡି ଦୁର୍ଘଟଣାଗ୍ରସ୍ତ ହୋଇ ରାସ୍ତାର ଡିଭାଇଡର ସହ ଧକ୍କା ଲାଗି ଓଲଟି ପଡିଛି । ଫଳରେ ଏଥିରେ ଥିବା ୩ଜଣ ମହିଳା ଆହତ ହୋଇଥିବା ସୂଚନା ମିଳିଛି । ଏକ ବିବାହ କାର୍ଯ୍ୟରେ ଯୋଗଦେଇ ସତ୍ୟବାଦୀରୁ ଆଠଗଡ ଅଭିମୁଖେ ଏକ ପରିବାରର ସଦସ୍ୟମାନେ ସ୍କର୍ପିଓ ଗାଡିରେ ଫେରୁଥିବା ବେଳେ ମଙ୍ଗଳପୁର ନିକଟରେ ଦୁର୍ଘଟଣାର ଶିକାର ହୋଇଥିଲେ। ଏକ ଅଜଣା ଗାଡି ସାଇଡ୍ ମାରିଦେବାରୁ ସ୍କର୍ପିଓ ଟି ଭାରସାମ୍ୟ ହରାଇ ରାସ୍ତା ମଝିରେ ଥିବା ଡିଭାଇଡର ସହ ଧକ୍କା ଲାଗିବା ପରେ ସେଠାରେ ଓଲଟି ପଡିଥିଲା। ଫଳରେ ଉକ୍ତ ଗାଡି ମଧ୍ୟରେ ଥିବା ଆଠଗଡ ଅଞ୍ଚଳର ୨ଜଣ ମହିଳା ଓ ଜଣେ ଯୁବତୀ ଆହତ ହୋଇଥିଲେ । ସେମାନଙ୍କୁ ଚିକିତ୍ସା ଲାଗି ପିପିଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଅବସ୍ଥା ଗୁରୁତର ଥିବା ଯୁବତୀ ଓ ଜଣେ ମହିଳାଙ୍କୁ ପରେ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ହାଇୱେ ପୁଲିସ ପେଟ୍ରୋଲିଂ ଟିମ୍ ଦୁର୍ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି କ୍ରେନ୍ ଯୋଗେ ପିପିଲି ଥାନାକୁ ହସ୍ତାନ୍ତର କରିଥିବା ସୂଚନା ମିଳିଛି।
Popular Categories
Previous article
Next article