ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ଥାନା ମୁସୁଳିପାଙ୍ଗା ପଞ୍ଚାୟତ ଅଧୀନରେ ଥିବା କଡ଼ିସରୁ ଗାଁ ନିକଟରେ ମଙ୍ଗଳବାର ଏକ ବାଇକ ଭାରସାମ୍ୟ ହରାଇ ଗଛରେ ପିଟି ହେବା ଫଳରେ ଜଣେ ବାଇକ ଆରୋହୀ ଗୁରୁତର ଆହତ ହୋଇଛନ୍ତି। ଗୁରୁତର ଆହତ ହୋଇଥିବା ବ୍ୟକ୍ତି ଜଣକ ଫିରିଙ୍ଗିଆ ଥାନା ପବିଙ୍ଗିଆ ପଞ୍ଚାୟତ ଅଧୀନରେ ଥିବା ବବଡିଙ୍ଗିଆ ଗାଁର ଭାସ୍କର କହଁରଙ୍କ ପୁଅ ଲମ୍ବୋଦର କହଁର ବୋଲି ଜଣାପଡିଛି।
ସୂଚନା ଅନୁସାରେ ଆଜି ସକାଳୁ ଲମ୍ବୋଦର ନିଜ ବାଇକରେ କୌଣସି କାମରେ ଗୋଛାପଡା ଅଂଚଳକୁ ଯାଇଥିଲେ। ସେଠାରୁ ଜଣେ ସମ୍ପର୍କୀୟ ଭଉଣୀଙ୍କୁ ସାଙ୍ଗରେ ନେଇ ନିଜ ଗାଁ ବାବଡିଙ୍ଗିଆକୁ ଫେରୁଥିଲେ। ଗୋଛାପଡା ଫିରିଙ୍ଗିଆ ମୁଖ୍ୟ ରାସ୍ତାର କଡ଼ିସରୁ ଗାଁ ନିକଟ ରାସ୍ତା କଡରେ ବାଇକଟି ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା। ଫଳରେ ଲମ୍ବୋଦର ଗୁରୁତର ଆହତ ହୋଇଥିଲେ। ଘଟଣା ସ୍ଥଳରୁ ଅଗ୍ନିଶବ ବାହିନୀଙ୍କ ସହାୟତାରେ ଆମ୍ବୁଲାନ୍ସ ଦ୍ୱାରା ଗୁରୁତର ଆହତ ଲମ୍ବୋଦରଙ୍କୁ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଅଣାଯାଇଥିଲା । ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଫୁଲବାଣୀ ଜିଲା ମୁଖ୍ୟ ଚିକିତ୍ସାଲୟକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି।
Comments are closed.